عمران خان وايي،په افغانستان کې د سولې ارمانجن دی

عمران خان وايي،په افغانستان کې د سولې ارمانجن دی، پاکستان تل پاکستان له افغانستان سره د ښو اړیکو وعدې کوي.تازه د پاکستان لومړي وزیر عمران خان د افغانستان د صنعت او سوداګرۍ وزیر نثااحمد غوریاني سره په کتنه کې ویلي چې پاکستان افغانستان کې د سولې او ثبات د راوستلو ارمانجن دی.

افغان سوله د ټولې سیمې د اقتصادي وضعیت لپاره اړینه ده.د عمران خان پر ټویټرپاڼه لیکل شوي چې په دې کتنه کې خان د دواړو هېوادونو ترمنځ د ورورۍ اړیکو یادونه کړې او په افغانستان کې یې د امن او سوکالي لپاره د خپلې مرستې تازه ژمنه کړې ده.هغه ویلي چې په افغانستان کې روانه جګړه نظامي حل نه لري او یوازې د خبرو له لارې د حل وړ ده او ښکېل اړخونه باید تاوتریخوالی کم او اوربند ته غاړه کېږدي.

ښاغلی خان ویلي چې که په افغانستان کې امن وي ټوله سیمې ته یې ګټه رسېږي او د اقتصادي ودې لپاره به ټوله سیمه یو له بله وتړل شي.نوموړي زیاته کړې چې د اقتصاد باید د سیاست قرباني نه شي او هېواد یې له افغانستان سره د سوداګریزو اړیکو د پراختیا او پیاوړتیا په برخه کې هر راز مرستې ته ژمن دی.او غواړي چې په دې برخه کې ډېره همکاري وکړي.

د افغانستان سوداګرۍ وزیر د یو پلاوي په مشرۍ اسلام اباد ته د دې لپاره تللی چې له پاکستاني چارواکو سره د سوداګرۍ پر نوي تړون خبرې وکړي.پاکستان داسې مهال د اقتصاد او امنیت په برخه کې افغانستان ته د همکارۍ ډاډ ورکوي، چې لا هم طالبانو جګړه په شدت روانه کړې ده او د سولې له خبرو د خلکو هیله په کمېدو ده.

عمران خان وايي،په افغانستان کې د سولې ارمانجن دی
عمران خان وايي،په افغانستان کې د سولې ارمانجن دی

هېره دې نه وي چې د پاکستان لومړي وزیر څه موده وړاندې کابل ته په یو ورځني سفر راغلی وو او ژمنه ېې کړې وه چې څومره د د په وس کې وي دی به ېې وکړي. او غواړي چې افغانستان کې دایمی سوله راشي ښاغلی خان ویلی وو چې ارمان ېې دادی چې افغانان په سوله کې ژومد وکړي .

قریشي اتمر سره په افغان سوله او د دواړو ملکونو په اړیکو غږېدلی

قریشي اتمر سره په افغان سوله او د دواړو ملکونو په اړیکو غږېدلی د افعانستان بهرنیو چارو وزیر محمدحنیف اتمر د اسلامي همکاریو سازمان په څنډه کې د پاکستان د بهرنیو چارو وزیر شاه محمود قریشي سره کتلي او پر یو شمېر مسایلو یې بحث او خبرې اترې شوي دي.

دغه ملاقات کې دواړو لوریو د افغان سولې پروسې، امنیت، کډوالو بېرته ستنېدو او سوداګریزو همکاریو په اړه خبرې کړې او د دوه اړخیزو همکاریو ډاډ یې څرګند کړی دی.محمد حنیف اتمر په خپل ټوېټر لیکلي، چې له خپل پاکستاني سیال شاه محمود قریشي سره یې په پورتنیو یادو شویو مواردو بحث کړی او د همکارۍ ډاډ یې ترلاسه کړی دی.د پاکستان د بهرنیو چارو وزیر هم په خپل ټوېټر لیکلي

پاکستان د افغانستان د روښانه راتلونکي لپاره دغه هېواد سره همکاریو ته ژمن دی او د سوداګرۍ، امنیت، افغان سولې او د کډوالو بېرته ستنېدو ترڅنګ به د سولې روانه پروسه کې دې هېواد سره هر اړخیزه همکاری وکړي . هغه ویلي مونږ افغانستان کې د سولې ملاتړ کوو او غواړو چې دغه هېواد کې دایمي سوله راشي.

قریشي اتمر سره په افغان سوله او د دواړو ملکونو په اړیکو غږېدلی
قریشي اتمر سره په افغان سوله او د دواړو ملکونو په اړیکو غږېدلی

بلخوا بیا کابل ته د پاکستان د صدراعظم عمران خان د سفر په ترڅ کې د نوموړي او ولسمشر غني ترمنځ هم دواړو هیوادونو او سیمه کې د سولې او ثبات ټینګېدو او ملاتړ په اړه پر یو نوي ګډ سند هوکړه شوې ده.په دغه سند کې هم د سولې، امنیت او د اقتصادي همکاریو څخه ملاتړ، پراختیا او مرسته کول او افغانستان ته د افغان کډوالو ستنېدل شامل دي.دغه سند کې دا هوکړه هم شوې چې د دواړو هیوادونو خاوره به د یو او بل هیواد پر ضد نه کارول کیږي او ترڅنګ یې د هغو کړیو او مخالفینو پر افشا کولو هم هوکړه شوې چې سوله نه کوي.

قریشي اتمر سره په افغان سوله او د دواړو ملکونو په اړیکو غږېدلی
قریشي اتمر سره په افغان سوله او د دواړو ملکونو په اړیکو غږېدلی

ښاغلي خان ویلي و، چې په افغانستان کې د سولې غوښتونکی دی او حکومت یې د تاوتریخوالي د کچې راټیټولو لپاره هرې ممکنې همکارۍ ته چمتو دی او د افغان سولې په بهیر کې د مذاکراتو میز ته د طالبانو په حاضرولو کې خپل رول لوبولی دی.هغه ویلی وو مونږ به په ټول توان سره افغان سولې ملاتړ وکړو.تر څو افغانستان کې سوله راشي.

د پاکستان لومړی وزیر عمران خان سبا کابل ته راځي

د پاکستان لومړی وزیر عمران خان سبا کابل ته راځي د نوامبر ۱۳مه یوشمېر پاکستاني رسنیو رپوټ ورکړی چې ښاغلی خان د ولسمشر غني په بلنه کابل ته راځي.دعمران خان د سفر له امله سبا یوازې په کابل کې رسمي رخصت هم اعلان شو.

د عمران خان د سفر د اجنډا په اړه هم تراوسه په رسمي توګه څه نه دي ویل شوي خو خبریال طاهر خان وویل چې ښايي په دې سفر کې د دریو بنسټېزو مسلو په اړه له افغان چارواکو سره بحث وشي. سوله، دوه اړخیزې اړیکې او د دواړو هېوادونو ترمنځ سوداګري به د بحث وړ ټکي وي.طاهر خان په خپلو خبرو کې دویچه ویله ته وویل: «لومړی خو د سولې مسله ده، د پاکستان او افغانستان بدقسمتي داده چې تراوسه یې د سولې په اړه جدي او مستقیمې خبرې نه دي کړي، داسې احتمال شته چې دا ځل به په دې مسله مخامخ خبرې وشي.

د چارو دغه پاکستانی کتونکی پردې اند دی چې افغانستان کې جګړه روانه ده او د سولې بین الافغاني خبرو کې پرمختګ هم نه کیږي نو په دغه سفر کې به پاکستان خپل دریځ واضح کړي.هاخوا د افغانستان د بهرنیو چارو وزارت هم منلې چې عمران خان کابل ته راځي. د دغه وزارت ویاند ګران هېواد رسنیو ته ویلي: «عمران خان به له ولسمشر غني او د ملي مصالحې عالي شورا د مشر عبدالله عبدالله په ګډون له جګپوړو افغان چارواکو سره د سولې خبرو ترڅنګ د دواړو هېوادونو تر منځ د سیاسي، امنیتي، اقتصادي او سوداګریزو همکاریو پر پراختیا خبرې وکړي.

د ښاغلي خان په سفر کې یو مهم بحث دا هم دی چې له افغانستانه د بهرنیو ځواکونو تر وتلو وروسته به د کابل – اسلام اباد اړیکې څه ډول وي؟ ده زیاته کړه: «په دې اړه کار شوی چې کله خارجیان له افغانستانه ووځي، د افغانستان او پاکستان اړیکي به څه رنګ وي؟ په دې کار روان دی، دواړو لورو په دې اړه نظرونه سره تبادله کړي او وړاندیزونه هم شوي.

د پاکستان لومړی وزیر عمران خان سبا کابل ته راځي
د پاکستان لومړی وزیر عمران خان سبا کابل ته راځي

دا په داسې حال کې د ه چې په دې اړه نور جزیات نشته چې د افغانستان او پاکستان ترمنځ د بهرنیو ځواکونو تر وتلو وروسته د اړیکو په تړاؤ کوم نظرونه تبادله شوي او پر کومو وړاندیزونو کار روان دی؟ هاخوا یوشمېر افغان کارپوهان پردې باور دي چې کابل ته د عمران خان سفر به هم لکه د نورو هغو یواځې تشریفاتي او تکراري سفر وي.او یوازې عکسونو اخیستو پورې به محدود وي دويي وايي چې دا سفر به هیڅ ډول ګټه ونلري.

عمران خان: د افغانستان  داخل او د بهر ځیني کړۍ افغانستان کې سوله نه غواړي

عمران خان: د افغانستان داخل او د بهر ځیني کړۍ افغانستان کې سوله نه غواړي د پاکستان لومړی وزیر عمران خان وايي، د افغانستان دننه او بهر یو شمېر کړۍ د یاد هیواد د سولې او ثبات مخالفت کوي چې باید نظر ورباندې وساتل شي.تر څو افغانستان کې دایمي سلې تهدلار هواره شي.

ښاغلي خان دغه خبرې د شانګهای همکاریو سازمان په هغه ګډه ناسته کې کړې چې د افغان حکومت، هند، روسیې او یو شمېر نورو هیوادونو ولسمشرانو او لومړیو وزیرانو پکې برخه درلوده.خا ن ویلي، چې د افغانستان شخړه نظامي حل نه لري او پاکستان به دې باور دی چې هر څه باید د سولې او مذاکراتو له لوري حل شي او مذاکره کوونکي ټیمونه د خبرو له لارې سیاسي جوړ جاړي ته ورسېږي.نوموړي وړاندې زیاته کړې، چې پاکستان د افغانستان د سولې او ثبات په موخه له کېدونکو هڅو ملاتړ کوي او د طالبانو او امریکا تر منځ په لاسلیک شوې

توافق کې يې د تسهیل کوونکي په حیث رول لوبولی؛ خو په خبره یې، ددې لپاره چې رغنیزې او د جوړجاړي هڅې نورې هم پراخې شي، د افغانستان د ننه باید د جګړې د شدت کچه راټيټه او اوربند ته زمینه مساعده کړل شي.عمران خان که څه هم د کوم ځانګړي هیواد یا شخص نوم نه دی اخیستی؛ خو په خبره يې، د افغانستان دننه او بهر د سولې پروسې مخالفت کوونکي شته چې نه غواړي افغانستان له سولې او ثبات برخمن شي؛ نو ځکه باید ژور نظر ورباندې وساتل شي.

عمران خان ددې تر څنګ غوښتنه کړې، چې په خپله خوښه د افغان کډوالو بیرته ستنېدل باید د سولې په توافقنامه او تړون کې ځای کړل شي.د عمران خان له لوري پورته څرګندونې داسې مهال دي، چې په دوحه کې د افغانستان د سولې خبرې روان دي؛ مګر د کابل حکومت مشران د امریکا له نوي احتمالي ولسمشر «جوبایډن» غوښتنه کوي چې له طالبانو سره په شویو هوکړو بیا ځلې فکر وساتي.

عمران خان: د افغانستان  داخل او د بهر ځیني کړۍ افغانستان کې سوله نه غواړي
عمران خان: د افغانستان داخل او د بهر ځیني کړۍ افغانستان کې سوله نه غواړي

افغان حکومت تمه لري، چې بایډن به له طالبانو سره د امریکا لاسلیک شوې توافقنامه لغوه او یا تغیر کړي او یا به هم په افغانستان کې د بهرنیو ځواکونو حضور ته دوام ورکړي.ځکه د ځینو سیاسی شنونکو په فکر ښايي د بهرنیو هېوادونو عسکر په وتلو سره حالات خراب شي او د خانه جنګي پیلیدو احتمال هم زیات شي اوس د دويي په وینا داسې لار ونیول شي چې له مخې ېې افغانستان کې دایمي اوربند وشي او افغان وژنه بند شي.

دهند حکومت افغانستان سره دغنمو مرسته کړې

دهند حکومت افغانستان سره دغنمو مرسته کړې ده افغان دولت سره د هند همکاریو په دوام یوځل بیا د غنمو مرسته کړې  چې تر ډیره بریده به غریبو هېواد والو ته ورکړل شوې او د هغوی اړتیا وي يې  تر ډیره بریده پوره کړې.

یاده مرسته په لسو پړاونو کې له افغانستان سره کړې چې په کرونايي حالت کې يې د عامو افغانانو د اقتصاد او خوراک لپاره تر یوه بریده بسنه کړې په هند هېواد کې د افغانستان سفارت ویلي چې هند دغه مرسته په لسو پړاونو کې له افغانستان سره کړې چې  تر ډیره بریده يې  اړتیا وي پوره کړې هغوی وویل چې د هند له یادو مرستو مننه کوي د دوی په وینا چې د لسو چوپو په ترڅ کې افغانستان سره د هند مرسته ۷۵ مټریکه ټنو غنمو ته رسیږي دغه هېواد وايي چې مرستو به لا نور دوام ورکړي.

نور خبرونه: دکرونا ناروغی تازه حال

د راپورونو له مخې دغه مرسته به د کرونا ځپلو او بیوزلو ته ورکول سوې او لاهم دوام لري ترڅو د اړتیاوو په نظر کې نیولو سره دا مرستې توزیع سي.له افغانستان سره په کرونايي حالت کې د هند په ګډون زیاتو هېوادونو او نړیوال بانګ میلیونونه ډالر مرسته وسوه خو  د افغانستان هیڅ وګړي  ته نه هم په کرونا او نه هم بغیر کرونا ګټه کړې

دغه مرسته یوازي څو محدودو کسانو ووېشله او غریبو هېواد والو ته یوازي څو وچې ډوډۍ ورسیدې او نور هيڅ داسې مرسته ورسره نده شوې.د افغانستان په لویه څارنوالي او محکمه کې اوس هم د یو شمېر ولایتونو د والیانو او چارواکو د کرونا پیسو کې د فساد دوسیې پرتې دي چې یا يې دا پیسې بې ځایه لګولې او یا يې هم په جیب کې اچولې

دهند حکومت افغانستان سره دغنمو مرسته کړې

د افغانستان لويي څارنوالي موده وړاندې وویل چې د یو شمېر ولایتونو د چارواکو دوسیې يې تکمیل کړې او د نورو اجراتو لپاره محکمې ته لیږل سوې او د یو شمېر نورو ولایتونو دوسیې چې د باز رس ادارې دوی ته سپارلې پرې کار کوي ترڅو هغه هم محکمې ته و سپاري

عمر داودزی:دطالبانواوامریکا تفاهم سره موافق یو

عمر داودزی د افغان سولې په تړاو پاکستاني چارواکو سره خبرې کوي د پاکستان لپاره د ولسمشر محمد اشرف غني ځانګړی استازی عمر داوودزی د افغان سولې په اړه د بحثونو په موخه پاکستان ته تللی.او هلته به د افغان سولې په اړه د دغه هېوا چارواکو سره خبرې کوي.

پاکستان کې مېشت خبریال «طاهر خان» په همدې تړاو پر ټویټر کې ذکر کړی ، چې داوودزی پاکستان ته رسېدلی او د افغان سولې پروسې او هغو «ننګونو» په اړه به له پاکستاني چارواکو سره بحثونه وکړي چې د سولې پروسه ورسره مخ ده.د نوموړي په خبره، داوودزي د پاکستان د لومړي وزیر «عمران خان» له سلاکار «یوسف معید» سره هم  لیدلي او د افغانستان-پاکستان د سوداګرۍ په سیمینار کې ېې هم برخه ړاخیسته نوموړی غواړي چې د دواړه هېوادونو ښه اړیکې جوړې شي.

اړونده خبرونه: د افغان عسکرو او نظامي سکتور سره د امریکا ملاتړ دوام کوي

ښاغلي طاهر خان په انګلیسي ژبه کې ټويټ کړیاو ویلي ېې دی چې عمر داودزی پاکستان ته رارسېدلی دی هغه همداراز ویلي چې د نوموړي د سغر موخه د سولې په تړاو د پاکستانې چارواکوو سره خبرې کول دي.

عمر داودزی د افغان سولې په تړاو پاکستاني چارواکو سره خبرې کوي
عمر داودزی د افغان سولې په تړاو پاکستاني چارواکو سره خبرې کوي

داوودزی داسې مهال پاکستان ته ځي، چې وار له مخه د کابل حکومت د پارلمان یو پلاوی او د حزب اسلامي ګوند د مشر «ګلبدین حکمتیار» هم په اسلام اباد کې شته او د پاکستان د لومړي وزیر، بهرنیو چارو وزیر او د پارلمان د مشر په ګډون  له ګڼو چارواکو سره د افغانستان د سولې په اړه غږېدلي.تر پارلماني پلاوي وړاندې د پخلاینې عالي شورا مشر «عبدالله عبدالله» هم اسلام اباد ته تللی وو او له پاکستاني چارواکو سره یې لیدنې درلودې.

پاکستان ته د افغان حکومت د پلاوو سفرونه داسې مهال دي، چې په دوحه کې د طالبانو او کابل د مذاکراتي ټیمونو تر منځ خبرې روانې دي او ویل کېږي، د ځینو اختلافي نقاطو له امله پکې د پام وړ پرمختګ نه دی شوی.د دې ټولو سفرونو موخه د سولې په اړه د پاکستان چارواکو سره خبرې کول وو دويي ټولو د اعلی چارواکو سره کتلي دي.دغه ټولو شخصیتونو د پاکستان د لومړي وزیر عمران خان او خارجه وزیر شاه محمود قریشي سره هم تفصیلي خبرې کړې دي.او د سولې د ملاتړ غوتنه ېې ترینه کړې ده.

حکمتیار:حکومت سوله نه غواړي

د حزب اسلامي ګوند جهادي مشر ګلبدین حکمتیار اسلام اباد ته په درې ورځني سفر اسلام اباد ته تلی او هلته ېې د چارواکو سره د ملاقاتونو ترڅنګ یو خبري کنفرانس هم کړی نوموړي په دغه ه خبري ناسته کې وویل، چې د کابل حکومت د جګړې دوام غواړي او د سولې پلوی نه دی.

ګلبدین حکمتیار چې نن یې اسلام اباد کې د سفر دویمه ورځ په خبري ناسته کې په افغانستان کې د امریکا او نورو بهرنیو ځواکونو شتون ته په اشارې وویل، څو چې په افغانستان کې بهرني ځواکونه شتود ولري، سوله او ثبات به هېڅکله ټینګ نه شي.حکمتیار دا راز وویل، چې امریکا په افغانستان کې ماتې خوړلې او اوس له وتلو پرته بله لاره نه لري.هغه وایي، چې پاکستان د امریکا او طالبانو تر منځ سوله کې خورا مهم رول لوبولی او د افغان سولې پروسې بشپړ ملاتړ ته هم ژمن دی.

نوموړي ددې تر څنګ په دوحه کې پر روانو مذاکراتو انتقاد کړی او په خبره یې یاد مذاکرات یوازې د ارګ او طالبانو تر منځ روان دي «په دوحه کې اوسني مذاکرات د ارګ د یوه ټیم او طالبانو تر منځ دي او د ټولو افغانانو تر منځ نه دي.همدا لامل دی چې ګڼ سیاسي ګوندونه په مذاکراتو کې نشته، موږ هم نه یو. اړتیا ده چې اجماع جوړه شي او تر هغه وروسته په واحد نظر مذاکراتو ته ولاړ شو.»

د ښاغلي حکمتیار څرګندونې داسې مهال دي، چې په دوحه کې هم د طالبانو او کابل د مذاکراتي ټيم تر منځ هم خبرې روانې دي او تر څنګ یې له هیواده د بهرنیو ځواکونو د وتلو لړۍ هم پيل شوې. د حزب اسلامي ګوند مشر ګلبدین حکمتیار پرون د پاکستان حکومت په بلنه اسلام اباد ته په سفر ولاړ او لومړۍ لیدنه یې د پاکستان بهرنیو چارو وزیر شاه محمود قریشي او د بهرنیو چارو وزارت له لوړ پوړو چارواکو سره وه

اړونده خبرونه: د افغان عسکرو او نظامي سکتور سره د امریکا ملاتړ دوام کوي

او پرون یې د پاکستان له لومړي وزیر عمران خان، د پاکستان د پارلمان له مشر صادق سنجراني او نورو لوړ پوړو چارواکو سره لیده کاته وکړل.د ګلبدین حکمتیار سره تللی پلاوی وایي چې حکمتیار له پاکستانیو چارواکو سره د افغان سولې پر پروسې او د افغانانو خپل منځي ناستو په تړاو خبرې اترې وکړې.ترڅو دغه خبرې یوې نتیجې ته ورسیږي او پایلې ولري.

ذ یادونې وړ ده چې د ښاغلي حکمتیار د دغه څرګندونو وروسته په افغانستان کې د عامو وګړو خورا زیات غبرګونونه راپارولي په دې اړه ېې سوشل ميډیا کې مختلف نظریات شریک کړي دي او ویلي ېې دي چې دا ډول څرګندونې به افغانستان ته زیان ورسوي او دا یو ډول غیر مسولانه خبرې دي باید د نوموړي خبرې د اعلی چارواکو لخوا وغندل شي تر څو دا ډول خبرې بیا لپاره ونشي .

ګلبدین حكمتياراسلام اباد ته ورسېد

ګلبدین حكمتيار پاکستان ته ورسېد  د حزب اسلامي ګوند مشر «ګلبدین حکمتیار» د پاکستان په رسمي بلنه په درې ورځني سفر اسلام اباد ته ورسېد.نوموړي سره د دغه حزب نور غړي هم په دغه سفر کې ملتیا کوي.

ګلبدین حکمتیاراسلام اباد ته د سفر په مهال په هوایي ډګر کې خبریالانو ته خبرې کولې وویل چې د سولې له پيغام سره پاکستان ته زي تمه لري چې سفر به یې اغېزناک او ښې نتیجې ولري .د افغانستان لپاره د پاکستان ځانګړی استازی «صادق خان» وایي، حکمتیار به د روانې میلادي میاشتې له ۱۹-۲۱ پورې په اسلام اباد کې وي او هلته به د پاکستان له لومړي وزیر، ولسمشر، بهرنیو چارو وزیر او د مشرانو جرګې له مشر سره وګوري او د ستراتيژیکو مطالعاتو په  مرکز کې به وینا هم واوروي.وکړي.

ژورنالست طاهر خان په دې اړه لیکي، چې اسلام اباد ته د سفر په مهال به حکمتیار له پاکستاني چارواکو سره په دوه اړخیزو اړیکو او د افغان سولې پروسې په اړه وغږېږي.ورته مهال داسې راپورونه هم شته چې ښيي حکمتیار به له اسلام اباد وروسته دوحې ته ځي او د طالبانو د سیاسي دفتر له غړو او چارواکو سره به وګوري.دښاغلي حکمتیار سفر داسې مهال دی چې په دوحه کې د طالبانو او د کابل د مذاکراتي ټيم تر منځ خبرې روانې دي

او تر څنګ یې د دوحې د تړون په اساس له افغانستانه د بهرنیو ځواکونو د وتلو لړۍ هم پیل شوې.تېره شپه د کونړ ولایت پر مرورې ولسوالۍ د پاکستان پوځ یو ځل بیا راکټي حملې کړي. بلخوا بیا د کونړ ولایتي چارواکي وایي، په تېرو ٢٤ ساعتونو کې د پاکستان پوځ د کونړ په مرورې ولسوالۍ ١٦ فیره راکټ مرمۍ ویشتلي.له دغې راکټي مرمیو یوه د ترخو اوبو په سیمه کې په یوه کور کې لګېدلې، چې یوه ماشومه نجلۍ په کې شهیده شوې او د مور په ګډون یې څلور تنه ټپیان شوي دي.

دا لږمړی ځل نه دی چې د پاکستان پوځ د افغانستان په خاورې تېری کوي او په ولسونو یې راکېټونه توغوي، تر دې درې میاشتې وړاندې هم پاکستان د کونړ پر ډیورنډ فرضي کرښې پرتو ولسوالیو او مرکز اسعد اباد راکټي بریدونه وکړل. چې ٨ تنه ملکي وګړي په کې شهیدان شول.

په ورته مهال د افغانستان د حزب اسلامي ګوند مشر ګلبدین حکمتیار هم نن سفر کوي، اسلام اباد ته په سفر تللی. او هلته به د پاکستان د بهرنیو چارو له وزیر، د پاکستان ولسمشر او پوځي لوړ پوړو چارواکو سره وویني. او د سولې راونو کوششونو او په ديورنډ کرښه دا ډول پېښو د مخنیوي یادوري به هم د پاکستان اعلی چارواکو سره کوي.

مودي:افغانستان د خلکو د منلو وړ سولې څخه هند ملاتړکوي

مودي:افغانستان د خلکو د منلو وړ سولې څخه هند ملاتړکوي هند د افغانستان د ملي مصالحې عالي شورا مشر ډاکټر عبدالله عبدالله د سفر په ترڅ کې د هند لومړي وزیر نرېندرا مودي سره پرون له غرمې مخکې په لیدنه کې د افغان سولې په اړه خبرې اترې شوي.

د دغه هېواد لومړي وزیر نرېندرا مودي ډاکټر عبدالله ته ویلي، هغه سوله چې افغانانو ته د منلو ده، هند ته هم ده او هند افغانستان کې د تل پاتې سولې او ثبات کلک ملاتړ کوي.مودي له عبدالله عبدالله سره لیدنه کې افغانستان سره پر مرستو او همکاریو ټینګار کړی.هغه ویلي مونږ یو با ثباته په ځان بسیا افغانستان غواړواو غواړو چې افغانستان کې داسې سوله راشي کوم چې ټولو افغانانو ته د منلو وړوي.هغه همداراز ویلي چې مونږ هر قسم همکاری ته چمتویو.

د افغانستان د ملي مصالحې عالي شورا رییس ډاکټر عبدالله عبدالله هم د هند لومړي وزیر سره لیدنه کې د یاد هېواد له مرستو او همکاریو مننه او درناوی وکړ او د افغان سولې لپاره یې ترې د کلک ملاتړ غوښتنه وکړه.هغه وویل چې مونږ غواړو چې د سیمې هېوادونه باید افغان سوله کې خپل رول ولوبوي ترڅو افغانستان کې پایداره سوله راشي. څکه د افغانستان سوله د سیمې هېوادونو لپاره هم ګټوره ده.

ښاغلي عبدالله عبدالله نوي ډهلي ته د سفر په ترڅ کې د هند د ملي امنیت سلاکار اجېت دووال سره ولیدل او ښاغلي اجیت وویل چې هند د یو خپلواک، ډیموکراتیک، سوله اییز، با ثباته او پر ځان بسیا افغانستان ملاتړ کوي.هغه همداراز ویلي چې زمونږ پوره هڅه ده چې افغانستان کې پایداره سوله وي او افغانان په یو سولیز افغانستان کې ژوند وکړي.

د ملي روغې جوړې شورا د ویاند ویلي، چې ډاکټر عبدالله عبدالله به نورو ګاونډیو هېوادونو، ایران چین، تاجکستان او ازبکستان ته هم د یادو هېوادونو د حکومتونو په رسمي بلنه سفرونه ولري او موخه یې د افغان سولې لپاره د ګاونډیو او سیمې هېوادونو د ملاتړ را جلبول دي.

مودي:افغانستان د خلکو د منلو وړ سولې څخه هند ملاتړکوي
مودي:افغانستان د خلکو د منلو وړ سولې څخه هند ملاتړکوي

د یادونې وړ ده چې په سوشل ميډیا کې هم د عبدالله عبدالله سفرونو ته خلکو د خوشالی اظهار کړی او ویلي ېې دي چې د عبدالله سفرونه به د افغانستان سولې لپاره ګټور وي او د سولې پروسې کې به د سیمې هېوادونو ملاتړ او سیاسي او منتقوي اجماع رامنځته کړي دې سره به د سیمې هېوادونو سره د افغانستان اړیکې نورې هم پیاوړې شي.اود سولې پروسه به نوره هم ښه پر مخ لاړه شي.

شاه محمود قریشي: افغانستان کې سوله دپاکستان په ګټه ده

افغانستان کې سوله دپاکستان په ګټه ده د پاکستان خارجه وزیر شاه محمود قریشي د افغانستان د ملي مصالحې عالي شورا له مشر ډاکټر عبدالله عبدالله سره چې پرون په رسمي سفر اسلام اباد ته تللی، ملاقات کې ویلي چې افغانستان کې سوله پاکستان په ګټه ده او داداسې معنا لري لکه پاکستان کې چې سوله وشي.

ښاغلی قریشي ویلي د سولې خپلمنځي مذاکرات تاریخي دي او باید له په لاس راغلي فرصت سمه ګټه پورته شي، هغه وایي طالبانو سره یې هم په همدې تالار کې چې له عبدالله عبدالله سره ګوري، ملاقات کړی ، ورته یې ویلي چې جنګ ګټوونکی نه لري او د افغانستان سوله د خبرو او جوړ جاړي له لارې امکان لري باید د خبرو له لارې حل شي تر څو افغانان خپل ژوند په سمه توګه مخې ته یوسي اوهر وګړی دا احساس وکړي چې افغانستان اوس د سولې ارامش هېواد دی.

د مصالحې عالي شورا مشر ډاکټر عبدالله عبدالله بیا له شاه محمود قریشي سره ملاقات کې وویل، چې پاکستان ته دا ځل په بدلې روحیې سره راغلی، عبدالله د پاکستان له لومړي وزیر په افغانستان کې د تاوتریخوالي د کموالي او اوربند په تړاو له کوششونو قدردانی وکړو او ویې ویل که په لاس راغلي فرصت نه په سمه توګه ګټنه وانه خیستل شي یو بل لوی بحران ته به لار هواره شي.اړو افغانستان به یو وار بیا دبد بختیو سره مخ شی. نو ښه دا ده چې شته فرصت ضایع نه کړو.او افغانستان کې دایمي سوله قایم کړو.

ښاغلي عبدالله عبدالله د پاکستان له حکومت مننه وکړه، چې طالبان یې د افغانانو خپل منځي خبرو ته وهڅول، خو ویې ویل مذاکرات چټک روان دي او له بده مرغه د تاوتریخوالي کچه لا پسې زیاتیږي چې دا به د سولې بهیر ته لویه ضربه ورسوي.هغه ویلي چې باید د تاوتریخوالي کچه کمه شي او د سولې مزاکرات د امن فضا کې وشي دا به دېره ښه وي.

عبدالله عبدالله پاکستاني چارواکو سره شوي ملاقات کې ورته وویل چې ترهګري د سیمې ټولو هېوادونو ته یو ګواښ دی او په افغانستان کې د یوې سر تا سري سولې ټینګښت بې له شکه چې د سیمې د ټولو هېوادونو په ګټه دی.باید د سیمې هېوادونه افغان سولې ته کار وکړي اوخپل پوره پوره ملاتړ ورڅخه وکړي. تر د سیمې هېوادونو کې هم امن پاتې شي

شاغلي عبدالله له پاکستاني چارواکو سره تر ملاقات وروسته د پاکستان بهرنیو چارو وزارت کې یو نیالګی هم کېناوه.د ښاغلي عبدالله د لیدنو مهالوېش کې پلان شوې چې نوموړی به سبا د پاکستان له لومړي وزیر عمران خان سره ملاقات او بیا به د پاکستان پوځ له لوی درستیز قمر جاود باجوه سره په راولپنډۍ کې د نوموړي په دفتر کې لیدنه تر سره کړي.

تر دې وړاندې چې کله ولسمشرغني پاکستان ته د سفر پر مهال جې ایچ کیو ته تللی وو، د عامو افغانانو له تندو غبرګونونو سره مخ شو.خو اوسمهال د ملاقاتونو د مهالویش پر بنسټ به عبدالله عبدالله د پاکستان د فوځ مشر سره په راولپنډی کې ګوري بلخوا بیا د مصالحې شورا سر چینی وايي چې نوموړی به راوپنډی کې د لوی درستیز سره نه ګوري.