د ولسمشرغني خبرو ته د طالبانو غبرګون

د ولسمشرغني خبرو ته د طالبانو غبرګون د طالبانو ویاند ذبیح الله مجاهد دولسمشر اشرف غني څرګندونو ته په کې ځواب ویلی چې له امریکا سره یې د سولې تړون د قران او سنتو د اصولو په رڼا کې لاسلیک کړی او د سولې راتلونکي پړاوونه به هم د دغو اصولو پر بنسټ وړاندې زي.

ولسمشر اشرف غني تیره ورځ د قطر هېواد پلازمینه دوحه کې د شخړو او بشري مطالعاتو په انسټیټیوټ کې د خبرو پرمهال په طالبانو غږ وکړ چې د بین الافغاني مذاکراتو لپاره دې د طالبانو او امریکا د سولې تړون معیار نه ټاکي، بلکې په خبره یې د قران او سنتو په معیار دې ورسره مذاکرات وکړي.او افغانستان کې دې شته بد بختي نوره ختمه کړي تر څو افغانستان کې امن راشي. او افغانان په سوله کې ژوند وکړي.

د دغی ډلې ویاند ذبیح الله مجاهد د نوموړي څرګندونو ته په غبرګون کې ویلي، چې له امریکا سره یې د سولې توافقنامه د قران او سنتو په رڼا کې امضا کړی. ښاغلي مجاهد په خپلې ټویټر پاڼې داسې لیکلي:«‏له امریکا سره زموږ توافقنانه دقران اوسنت په اساس لاسلیک شوی اوراتلونکې پړاوونه به هم له همدې جادې عبور کوي. موږته دقران اوسنت په اړه مشوره مه راکوئ، پخپله دقران کریم تلاوت  زده کړئ او داحکامو له تطبیق څخه یې ویره مه لرئ. موږ دقران کریم دتطبیق لپاره دوه نیمې لسیزې قربانۍ ورکړه او لا هم ققربنی ته چمتو یو.

یادې ډلې په داسې مهال د ولسمشر غني ته د قران کریم د زده کړې سپارښتنه کوي، چې نوموړي څو ځله په عامه ویناوو کې د مشهورو اسلامي شخصتیونو او کتابونو په هکله ناسمې ویناوې کړي، تردې د ۱۳۹۷ د پیل په مراسمو کې یې د قران کریم لومړنی نازل شوی آیت هم غلط ولوست او د دې تر څنګ ېې نورې اشتباګانې هم کړي دي.

د مزار پخواني والي استاذ عطاء هم د یوې وینا پرمهال اشرف غني د اسلام مقدس دین څخه په بې خبرۍ تورن کړی ؤ او د الم ترکیف سورت په صحیح ویلو یې هم ننګولی ؤ، چې تردې مهاله غني د ښاغلي نور خبرو ته ځواب نه دی ویلی.په سوشل ميډيا کې هم د نوموړي خبرو ته توند غبرګونونه راپارول شوي دي او لا هم خلک وايي چې باید ولسمشر غني پوره تیاری سره بهر راوزي او بیا خبرې وکړي.

د ولسمشرغني خبرو ته د طالبانو غبرګون
د ولسمشرغني خبرو ته د طالبانو غبرګون

اوس باید دواړه لورې دې ته حاضر شي چې افغانستان کې سوله راوستل د دويي مهم کار دی. دويي باید د تریخو بیاناتو نه ډډه وکړي او د بل هر څه نه زیات سولې ته تر جیح ږرکړي تر څو افغانان په یو سلیز هېواد کې ژوند وکړي او د نورو د احتیاج نه ځان ځان خلاص کړي.

افغان دولت بین الافغاني خبرې ډېر ژر په قطر کې پیل شي

پرون د افغانستان په سمنګانو ولایت مرکز کې د امنیت ولایتي ریاست ودانۍ باندې موټر بم حمله وشوه چې غټه ویجاړي یېوکړه دغه حمله د ډېرو سیاسي ليډرانو او مدني فعالانو لخوا په سختو ټکو وغندل شوه.

په همدې لړ کې د افغان سولې لپاره د امریکا د بهرنیو چارو خاص استازي د سمنګان د وروستۍ خونړۍ حملې په غبرګون ویلي دي چې طالبانو دغه حمله ښه ندي کړي چې کړې ېې ده اد نوموړي په وینا دوی له شوې هوکړې خلاف ورزي کړې ده،پرون ورځ په سمنګان ولایت کې د امنیت ریاست پر بلډنګ درنه موټر بم چاودنه وشوه چې په کې ۱۱ کسان شهیدان شول او څه د پاسه ۶۰ کسان په کې تپیان هم شول. د ولایتي چارواکو په وینا په دغه پېښه کې ۱۳ پوځیان او ۱۷ د شاروالۍ کار کوونکي زخمیان دي ، پاتې ټول عام خلک دي چې ښځې او ماشومان هم په کې ژوبل شوي،

یاده چاودنه دومره زوروره وه چې ور چاپېر ځاۍ کې ټولې ودانۍ یې له منځه وړي دي او په سیمه کې د یوه لوی بربریت فضا یې خپره کړې ده.دولت او ګڼو نړیوالو سفارتونو دغه حمله په سختو ټکو وغانده او دا یې د طالبانو لخوا د ناروا جګړې یو تر ټولو ستر بد عمل وباله،بازې سیاسي تحلیلګرو له طالبانو سره د امریکا شوې هوکړه نیمګړې او د افغانانو تر منځ قصدي ښکېلاک ته لار هواول بولي. دوی وایي چې وسله والو طالبانو له امریکایي لوري سره د عقیدې جګړه یې بلله، ودروله خو د خپلو افغانانو وژنې ته یې لاسونه بډ وهل.

د متحده ایالاتو سره د طالبانو د هوکړې شاوخوا څلور میاشتې تېرېږي، په دې موده کې دغې وسله والې ډلې چې د پاکستان او روس په وسلو او ملاتړ سمبال دي، په افغان ځواکونو باندې بریدونه کوي، د تېرو دوو لسیزو په پرتله یې په مراتیو زیات تاوتریخوالی کړی دی.

افغان وګړي لهاوسني حالاتو نه ناهيله دي . دوی سوله باندې باور نلري او وایي چې طالبانو د دوی ټولې هیلې غلطې ثابتې کړې اوژوند ورته ټول خراب توراب کړشنونکي وایي؛ امریکا له طالبانو سره د شوې هوکړې په مرسته په پوره آسانۍ هغه موخې ترلاسه کوي، چې ورته راغلي دي. دوی د افغانستان له ګوټ ګوټ څخه هغه کانونه او قیمتي کاڼي وباسي او په دې هڅه کې دي چې د افغان وژنې له روان بهیر څخه پوره ګټه پورته کړي.

بلخوا بیا دافغان دولت لخوا د شاوخوا ۴۲۰۰ طالب بندیانو له خوشي کولو سره سره بیا هم دغې وسه والې ډلې په خپلو بریدونو کې کمی ندۍ راوستۍ دويي لدې وړاندې هم په کابل او ولایاتو کې په عامو وګړو باندې حملې کړې وې چې دا خپله د سولې توافق ته زیان رسوي او باید دغه ډول حملې نورې ودرول شي که ونه درول شي نو دا به د سولې شته فرست ته سخت زیان ورسوي،