د نړیوال کرکټ مجلې د روانې، يعنې ٢٠٢٠مې لسيزې لپاره غوره لوبغاړي خوښ کړي ، چې په اینده١٠ کلونو کې به دا پلیران په نړيواله کچه لاسته راوړنې لري،په دغه لست کې ۴ افغان لوبغاړي هم شامل دي،

د انګلستان کرکټ ملي لوبډلې نامتو لوبغاړى عادل رشيد په ټېکس کې د دوکې کولو له امله ٣٨ زره پاونډه جريمه شوى دى. د نړيوالو رسنيو د راپورونو په وېنا، پاکستاني الاصله انګلستاني لوبغاړي عادل رشيد له سل زره پاونډو څخه زيات ټېکس نه دى تحويل کړى، د انګلستان د ټېکس تحويلولو ادارې ويلي دي، چې نوموړي د ٢٠١٣ څخه تر ٢٠١٧ کال پورې پوره ټېکس نه دى جمع کړى

، نو اوس هغه ته ويل شوي دي چې سل زره پاونډه او همدا راز ٣٨ زره پاونډه جريمه دې ژر تر ژره تحويل کړي د جريمې او ټېکس نه جمع کولو له امله د عادل رشيد نوم د ټېکس غلا کوونکو په ليسټ کې شامل شوى دى….

د ټېکس ادارې وياند وايي، چې په دې ليسټ کې شاملو کسانو ته سزا نه ورکوي، خو د ټېکس نه جمع کولو له امله د دوى نومونه په دې ليسټ کې شاملېږي، تر څو وشرمېږي او خپل ټېکسونه جمع کړي.

هغه زياتوي، چې ډېرى کسان د ټېکس غلا ثابتېدو وروسته ژر خپل ټېکسونه جمع کوي او هغه خلک چې ټېکسونه نه جمع کوي، نو دوى يې د جمع کولو لپاره له بېلا بېلو لارو څخه کار اخلي.

د انګلستان لوبغاړى جريمه شو

خو بل لوري ته پاکستاني الاصله انګلستاني کرکټر عادل رشيد ځينو رسنيو ته ويلي دي، چې هر څه يې بېرته سم کړي دي او دا ټوله تېروتنه د هغه د اکاونټنټ وه چې داسې مشکل ورسره راپېښ شوى دى. هغه همدا راز زياته کړې ده، چې د ټېکس غلا کولو هېڅ اراده يې نه وه، هغه د انګلستان يو ښه اوسېدونکى او ذمه واره لوبغاړى دى او هېڅ کله هم داسې فکر نه شي کولاى چې ټېکس دې غلا کړي

رونالډو د فوټبال په ډګر کې ۱۰۰۰  لوبې کړي

رونالدو د فوټبال په ډګر کې تر ټولو مخکښ او هوښیار لوبغاړی پيژندل کیږي

۳۵کلن کرېسټیانو رونالدو وایي، دا مې د ژمنتیا، سخت کار او وړتیا نښه ده.

کرېسټیانو رونالدو له ۲۰۰۲ م کال راهیسې د فوټبال په ډکر کې لوبې ترسره کوي، چې تر دې دمه یې د لوبو شاوخوا ۱۸ کاله تیریږي.

هغه د نړۍ په بیلابیلو غوره لوبډلو کې ۱۰۰۰ بهترینې لوبې ترسره کړي دي.

د کریسټیانو رونالډو ترسره کړې ۱۰۰۰ لوبې ټولې په ملي کچه دي او له هغو ټیمونو سره لوبیدلی کوم، چې د نړۍ غوره لوبډلې دي.

رونالډو کلونه وړاندې، د مانچسټر یونایټډ ، ریال ماډریډ او جوینټس کلبونو لپاره په ټوله کې ۸۳۵ لوبې ترسره کړي ، چې نوموړي په کې په ټولیز ډول  ۶۲۵ ګولونه وهلي دي.

هغه د پرتګال لپاره په ۱۶۴ لوبو کې په نړیواله کچه ۹۹ بهترینې جایزې هم ترلاسه کړي دي.

نوموړي دغه راز د هیواد دکلب لپاره ۲۹ ټرافیانې یا سیریزونه هم ګټلي دي او د هيواد په کچه تر ټوله غوره ثابت شوی دی.

له انګلیس ټیم کریس سره رونالډو ۲۹۲ لوبې ترسره کړي، چې په ټوله کې یې د خپلې لوبډلې په ګته ۱۱۸ ګولونه وهلي دي او همدا لامل شو، چې هغه د ریال مادرید تر لوبډلې ورسیده.

کریستیانو رونالډو په کهکشان لوبډله هم ۴۳۸ بریالۍ لوبې ترسره کړي او ۴۵۰ ګولونه یې وهلي دي، چې د ټول فصل بریالی لوبغاړی هم پيژندل شوی وو.

هغه په وړم ۲۰۱۸ کال کې یوونتوس لوبډلې ته لاړ او له دې لوبډلې سره یې دوه فصله لوبې وکړې، چې په ټوله کې ۷۲ لوبې یې ترسره کړې او پرمهال یې ۵۲ ګولونه ووهل.

رونالډو په ټولیز ډول ۱۰۰۰ لوبې ترسره کړي او په ټوله کې د نړۍ بهترین لوبغاړی پيژندل شوی دی او د نړۍ په کچه مینه وال هم لري.

کریسټيانو رونالډو په نړیواله سطحه د بهترینو لوبو په ترسره کولو د سرو زرو توپونه هم ګټلي دي، چې دا جایزه ډیرو کمو لوبغاړو ترلاسه کړې ده.

رونالډو په نړیواله کچه مینه وال لري او د لوبې تر شروع کیدو وړاندې یې مینه د ده لوبې ته انتظار وي او په خورا مینه یې ګوري.

له ده سره سیال بل لوبغاړی بیا لیونل میسي دی ، چې هغه هم په نړیواله سطحه مینه وال لري او جایزې یې ترلاسه کړي دي.

په اوسني وخت کې د نړۍ په کچه د فوټبال په ډګر کې  رونالډو او لیونل میسې هغه لوبغاړي دي، چې مینه وال یې ډیر دي.

د افغانستان د کرکټ تر ۱۹ کلنو کم عمره لوبډله د پاکستان لوبډلې سره لوبه لري

د غه سیالۍ چې په سوېلي افریقا کې د افغانستان په وخت د غرمې په ۱۲:۰۰ بجو ترسره کېږي ګټونکی ټیم به د یادو سیالیو نیمه پای‌لوبې ته لار پیدا کوي.

د د کرکټ ټیم مسؤلین وايي، افغانستان دغې سیالۍ ته بشپړ تیاری نیولی او هیله ده چې دغه سیالي وګټي.

د افغانستان د کرکټ بورډ ویاند فرید هوتک رسنیو ته وویل، د افغانستان د کرکټ تر ۱۹ کلنو کم عمره ټیم د دغه جام په سیالیو کې د ښه توپ اچونې، ښه توپ وهنې او ښه توپ نیونې په برخو کې وتوانېد، خپلو سیالو لوبډلو ته ماتې ورکړي او ځان د دغو سیالیو منځ‌لوبو ته ورسوي.

ښاغلي هوتک د افغانستان او پاکستان ترمنځ د کرکټ د نننۍ لوبې په اړه رسنیوته وویل: “د افغانستان لوبډله د نړیوال جام د سیالیو په لړ کې د کوارټر فاینل لوبه د پاکستان د کرکټ د ۱۹ کلنو پر وړاندې ترسره کوي. دغې لوبې ته افغان لوبډله پوره تیاری لري او تمه لرو چې په دې لوبه کې افغان لوبغاړي، وکولای شي ښې لاسته راوړنې ولري.”

د کرکټ د ۱۹ کلنو نړیوال جام د روان میلادي کال د جنورۍ په نیمايي کې د سوېلي افریقا د بینوني په ښار کې پیل شو.

د افغانستان د کرکټ بورد د معلوماتو له مخې د کرکټ په دغو سیالیو کې د نړۍ د ۱۶ هېوادونو د کرکټ تر ۱۹ کلنو کم عمره ټیمونو برخه اخیستې وه.

په دغو ټیمونو کې د افغانستان په ګډون اته ټیمونو چې نیوزیلاند، سوېلي افریقا، استرالیا، پاکستان، بنګله‌دېش، سریلانکا او وېسټ انډیز شامل وو، د یاد جام نیمه پای‌لوبې ته لاره وموندله.

د افغانستان تر ۱۹ کلنو کم عمره لوبډلې په سږني نړیوال جام کې تر دې دمه خپلې دوه لوبې چې یوه له کوربه جنوبي افریقا او بله له متحده عربي اماراتو سره وه، دواړه ګټلې دي.

د کرکټ مینه‌وال وايي، دا چې د افغانستان ټیم د کرکټ ۱۹ سیالیو په ۱۶ ټیمونو کې منځ‌لوبو ته ځان ورساوه، ډاډمن یو چې له پاکستان نه هم دغه لوبه ګټلی شي.

د کابل ښار اوسېدونکو دوو ځوانانو نورباز او عبدالباسط وویل: “د افغانستان د کرکټ ټیم اوس ډېر ښه شوی دی، کرکټ چې نن له پاکستان سره دی، موږ ډاډمن یو چې افغانستان‌یې ګټي.”

“د افغانستان د ۱۹ کلنو د کرکټ بېټنګ، بالېنګ او فیلډنګ درې واړه برخې ښه دي او دغه لوبه به وګټي.”

د افغانستان د کرکټ تر ۱۹ کلنو د کم عمره ټیم سر روزونکی رئیس خان احمدزی وایي چې دغه ټیم له یوه کال راهیسې دغو لوبو ته تمرینونه کړي او بشپر تیاری یې ورته نیولی و. د افغانستان د کرکټ تر ۱۹ کلنو د کم عمره ټیم مخکې تر دې څلور ځلې د پاکستان د کرکټ تر ۱۹ کلنو د کم عمره ټیم لوبډلې ته ماته ورکړې ده