دسیاوش د شهادت په اړه د نجیبه فیض څرګندونې

دسیاوش د شهادت په اړه د نجیبه فسض څرکندونې د کابل پوهنتون د شهید شویو محصلینو په مرګ اوښکې وچې شوې نه وې، چې د هېواد یو بل تکړه ځوان، یوه پوهه څټه او د هېواد د ژورنالېزم د وتلې شخصیت شهادت مو ملا ګانې را ماتې کړې.او تل لپاره ېې خپل روح حق ته وسپاره.

موږ به دا نه وایوو، چې دا چا؟ ولې؟ او څنګه؟ ځکه که معلوم هم شي، نه مو حکومت بدل اخیستی شي نه ولس؛ چارواکي خو به په یوې اعلامیې تسلیت ووایي، یو څو مکرجنې اوښکي به هم توی کړي، ولس به مو پر سوشیل مېډیا یو څو د غم او تسلیت پوسټونه او کمېنټونه وکړي خو له څو ورځو وروسته به هر څه عادي شي، لکه هېڅ چې نه وي شوي، چا زوی، چا ورور او یا چا خاوند له لاسه نه وي ورکړی.راځو نن د یما سیاوش د شهادت خبرې ته؛ سیاوش نه زور لرلو او نه زر، یو غریب ځوان وو، ما د یما له ورور بکتاش سره پېژندل او هغه وخت چې ما په ٢٠١٧ کال کې په لمر کې د روژه ماتي خپرونه لرله، یو وخت د دوی کور ته تللې وم، که څه هم دواړه ورونه یو وخت خبریالان وو او په پارلمان کې هم پاتې شوي وو، خو کور یې ډېر غریبانه وو، هغه هم د پلار له وختونو ورته پاتې وو چې پلار یې جوړ کړی وو، نو یو څوک چې دومره موده په پارلمان کې پاتې شي، پارلمان کې یې دنده کړې وي، دومره عادي کور یې وو، ځکه چې دوی حلال رزق ګټلو، غلا، چور او چپاول یې نه و کړی،

بکتاش ما ته دا هم یاده کړه چې دوی خپل معاشونه غریبانانو سره په مرستو ویشي.هغه وخت یما په هند کې وو، دوه کوچنۍ خویندې یې وې، چې فکر کوم یوه یې په اتم صنف کې وه بله په نهم کې، کله چې دوی روژه ماتي کې بولاني راوړله نو خویندو یې وویل چې بولاني د سیاوش ډېره خوښیږي کااش چې اوس هغه هم وی.

نو د دې هېواد یو غریب ځوان چې نه یې د چا په وینو لاسونه سره وو، نه یې کوم ځای وران کړی و، نه یې غلا کړې وه نه یې بل ورور پسې ټوپک را اخیستی و، نن موخه ګرځول کیږي او شهید کیږي.دیما سیاوش مخکې په پوهنتون برید وشو، څومره بې ګناه ځوان کادرونه مو لا لاسه ورکړل، نن سیاوش شهید شو، له دې نورې هم بدې او بدترې راتلی شي، زموږ هېواد کې د وژنو ټوله ملامتیا زموږ خلکو ته هم را ګرځي، یوازې په فیسبوکي پوسټونو او کمېنټونو انقلاب او بدلون نه راځي. او نه ترینه څه جوړیږي.

ولس باید را پورته شي، د خپلو مشرانو نه د زوی او ورور د وینې پوښتنه وکړي، زموږ خو ښه چل زده دی، چې برید وشي، چاودنه وشي، څوک ووژل شي، وایو دا طالبانو کړی! پاکستان کړی یا ایران کړی! هغوی چې وکړو نو دې دومره ښار کې ورته چا ځای ورکړی و؟ دا چا تر دې ځایه داسې د بمونو او باروتو سره سلامت ورسول؟ حکومت، استخبارات او امنیت چېرته دي؟ ولس ولې له دوی پوښتنه نه کوي؟ ولې نه را پورته کیږي، ولې همداسې ویده دی، د دومره ځوانانو په مرګ ولې را وېښ نه شول؟

اوس وخت افغانستان حالات ښه نه دي، امنیت صفر سره ضرب دی، خدای مه کړه که لږه نوره را سخته شوه، د چارواکو یې پرې څه؟ کورنۍ او اولادونه خو یې هسې هم بهر ښه ارام او خوشاله ژوند لري، خو دوی به خپل سر وباسي او دا خاوره به ما او تا ته پاتې وي، بیا که زموږ بچي مري موږ مرو، د حکومت یې پرې څه؟ د نړۍ یې پرې څه؟ نو همدا یې وخت دی، له فیسبوکونو را ووځﺉ، عملاً را پورته شﺉ، تر څو به مرﺉ؟ چا ته په تمه یاستﺉ؟ چارواکي او نړیوال مو دومره له غمه نه دي مړه، دا دومره کلونه چې مو هېواد وال شهیدان شول، چا یې پوښتنه وکړه؟ نو خپله پوښتنه باید خپله وکړﺉ، مه پرېږدﺉ چې نور ووژل شﺉ، موږ افغانان هم د ژوند کولو او بیا له ښه نه د ښه ژوند کولو حق لرو او دا حق به هغه وخت واخیستلی شو چې ورپسې را پورته شو. اوسصرف عمل ته ضرورت دی.

ډاکترعبدالله د نجیبې په اند

 دوه ورځې وړاندې نجیبه فیض په خپل فیسبوک کې یو پوسټ کړی وو او خپل او ډ اکټر عبدالله انځور ېې هم نشر کړۍ وو په دغه پوسټ کې لیکلي وو که څه هم زه همېشه تر اورېدلو پر لیدلو زیاته عقیده لرم؛

هغې د داکټر عبدالله په نړاو لیکلي ووچې افغان سیاست وال ډاکټر عبدالله په تړاو مې ځینو مخصوصو کړیو او ځانګړو ميډيا ګروپونو ،په خیال او ذهن ټول داسي ‌را ګډ وډ کړي وو، چې تر لیدلو ها خوا مې اورېدلو باندي‌ هم ورو ورو عقیده برابرېده.‌څه موده وړاندې مې له یوې افغانې پښتنې سیاست والې هیلۍ ارشاد سره پر هم دغه سیاستوال عبدالله عبدالله بحث وشو؛ خبرې اوږدې او آن تر دې چې په ځینو برخو کې سحتې شوې ؛ خو دا پر خپل دریځ ‌ولاړه وه او بیا بیا یې دا خبره کوله چې:

 نجیبې ته له اورېدلو غږېږې؛ ته باید عبدالله عبدالله وګورې.» ما ورته وویل چې سمه ده، تاسو ملاقات راته تنظیم کړئ زه به عبدالله عبدالله وګورم.‌حیرانه وونکې دا وه چې هیلۍ جانې ټلیفون واخیست او کوم کس ته یې وویل چې نجیبه فیض غواړي ‌له ډاکتر صیب عبدالله سره ملاقاات وکړي او دا کار که نن وشي زموږ وخت به ضایع نشي.

لکه څنګه چې موږ ته معلومه ده چې د جمعې ورځ وه او جمعه مبارکه په کابل او ټول افغانستان  کې داسي‌ رخصتي وي چې په رسنیو کې خبرونه هم نه موندل کیږي او خبریالان رخصت وي؛ نو داسي ورځ باندي له یوه داسي افغان چارواکي سره چې نیم هېوادواګې یې لاس کې وي لیدل بیخي ‌نا شوني راته ښکاره شول خو هله حیرانه شوم چې ملګرې مې راته وویل چې ځه چې ځو ډاکتر صیب عبدالله سره به ملاقات وکړو.

لاړو دډاکټر عبدالله کور ته لاړو دا کور د افغانستان ځینو نورو لوړرتبه چارواکو له کورنو نه مختلف برېښېدو. دلته هرڅه لرګین او یو نابلده غوندي ډیزاین وو چې ما کابل کې نه وو لیدلی، دوه علته کېدای شي.اول دا چې زه ډېرو کورونو ته نه یم تللې او د افغان سیاستوالو کورونه مې نه دي ‌لیدلي.بله دا چې ښايي د عبدالله د کور ډیزاین به رښتیا هم بل رقم وو.

د ډا کټر صیب کور په تقریبآ هره برخه کې د پخواني جهادي ‌قوماندان احمد شاه مسعود بیلا بیل او په بیلا بیلو ډولونو جوړشوي انځورونه وو چې یو یې ځکه ډېر راته جالب وو چې په وړو وړو تیګو یې د احمد شاه مسعود انځور جوړ کړی وو.د کور بله ځانګړنه یې دا وه چې هلته د احمدشاه بابا او میرویس خان نیکه انځورونه هم را موجودوو.

ښاغلې نجیبې د ډاکټر عبدالله د ملمه پالنې په اړه لیکلي وو چې کله به چې ما ځانته چاۍاچوو نو دا هڅه به ېې کوله چې ما ته واچوي خو مه به ېېممانیت کوو. همداراز نجیبې لیکلي وو چې نجیبه فیض د ملمه پاله سخصیت ترڅنګ ښخو ته هم ځانګړۍ احترام لري او مېرمنو سره د نوموړي چلند دنورو سیاستوالو څخه مختلف دی. ښاغلې نجیبې د نوموړي د سیاست په اړه لیکي چې هغه یو باعرته او پوه سیاستوال دی او سولې او افغانستان ته ژمن دی نوموړۍ د یو ښه سیاستوال ترځنګ ښه مریر هم دی،

نجيبه فېض:دافغانستان سولې لپاره مې روژې نيولي

مشهوره پښتنه هنرمنده نجيبه فېض ویلي اوسمهال دوبۍ کې یم اوپه دې سره ګرمۍ کې مې د افغانستان سولې لپاره روژې نيولې دي، نوموړې وايي چې خپل وطن افغانستان سره ډېره زیاته مینه لري اوپه همدې خاطر ېې افغانستان کې سولې په خاطر روژې نيولي دي،

په خپله فېسبوکپاڼه کې ليکلي دي، چې خلک هر څه فکر کوي، هغه د هغوى کار دى، خو هغې په دې سره دوبي کې د افغانستان د سولې لپاره روژې نيولي دي او هيله منه ده چې دا ارمان به يې هم په ژوند يوه ورځ پوره شي چې په سوله ييز افغانستان کې ساه واخلي.

نجيبه فېض ليکي:

نجيبه فېض:دافغانستان سولې لپاره مې روژې نيولي
نجيبه فېض:دافغانستان سولې لپاره مې روژې نيولي

((تاسو چې هر څه فکر کوئ هغه ستاسو کار دى؛ خو ما په دې سره دوبي کې روژې يوازې او يوازې د افغانستان د سولې لپاره نيولې دي، اميد لرم چې دا ارمان به مې په ژوند پوره شي او يوه ورځ به په سوله ييز افغانستان کې ساه واخلم.)) خو نجيبه فېض دا نه دي ليکلي چې په کوم ښار کې ده چې سور دوبى دى پکې.

نجيبه فېض څه وخت مخکې کندوز ته تللې وه، هغې کندوز ته د تګ پر مهال په خپل ټويټر کې ليکلي و، چې ټول ارمانونه يې پوره شوي دي، خو يوازې په افغانستان کې د سولې ارمان يې پاتې دى، نوموړې د سولې سخته ارمانجنه ده او وايي چې څوکره خوند به کوي چې هیواد کې مو سوله وي او مونږپه ټول هیواد کې په ازاده فضا کې وګرزو،

نجیبه فییض د افغانستان د کندوز ولایت ده او په کوزه پښتونخوا کې ېې هم په ډرامو کې کار کړۍ نوموړې تعلیم یافته او په کار پوه هنرمنده ده هغه ادې وړاندې پېښور کې وه او هلته ېې خپل تعلیم هم سر ته رسولۍ