ویاند

وزیر داخله خپل پخوانی ویاند ګواښلۍ د هېواد د کورنیو چارو وزارت پخواني‌ ویاند نصرت رحیمي پر خپل فیسبوک پاڼه لیکلي ‌چې دافغانستان د کورنیو چارو وزیر مسعود اندرابي‌ ورته د مرګ ګواښونه کړي دي .

نوموړي شکایت کوي‌ چې د کورنیو چارو وزیر د وزارت د اسنادو د خپراوي‌ تور ورباندي پوري‌ کړی دی .نصرت رحیمي چې په خوا د کورنیو چارو وزارت ویاند وو اوس په داسي‌وخت کې شکایت را پورته کړی چې په افغانستان کې تر بل هر وخت ناامني زیاته شوې او وسله والو طالبان د کابل تر دروازو رسیدلي‌ دي .اوسمهال چې په افغانستان کې نا امني‌زیاته شوې ، په کور دننه له ادارو نه د اسنادو د راوتلو سلسلې هم زور اخیستی دی.

سږکال د اپریل میاشتې پر ۴ نېټه رسنیو تهداسي‌اسناد په لاس ورغلل چې له مخي ‌یې د کورنیو چارو وزارت لوړرتبه ټول ماموری له یوه قوم سره تړلي‌ ښودل شوي وو،کله چې رسنیو هغه اسناد په سوشل ميډیا کې شریک کړل په هېواد کې غوغا رامنځ ته شوه او د کورنیو چارو سرپرست وزیر ښاغلي ‌اندرابي‌ په وزارت کې دننه د (۱۰) فیصده پښتنو د ځای پر ځای کولو ژمنه وکړه ؛ خو ښاغلی اندارابي ‌په هغه ژنه کې پاتې راغلو.‌

دادی یو ځل بیا د کورنیو چارو د وزارت د فساد او د خیالي ‌پولیسو د مقرریو کیسې بهر را وتلې دي‌، نو د کورنیو چارو وزارت شک کوي ‌چې ګواکې دا به د هم دغه وزارت پخواني‌ ویاند نصرت رحیمي‌بهر ایستلي‌وي‌.د دغه لېسا له مخې تقریبا ۹۰ فیصده ریسان او معاونین تاجک دي او د ۱۰ فیصده نه هم کم ریسان پښتانه دي کوم چې د تعصب یوه نښه ده،

اهمه خبره دا ده که چېرته دا کار د پخواني‌ویاند نصرت رحیمي‌له لوري‌شوی هم وي، د کرونیو چارو وزیر ته دا لوی پیغور دی چې یوه عادي‌پخواني‌مامور ته د مرګ ګواښنې وکړي‌.ښاغلۍ رحیمي دا تور هم پوري ‌کړی دی چې ګواکې د کورنیو چارو وزیر ورته ویلي ‌چې له ده سره سر وهونکي‌ به د خوشال سعادت په برخلیک اخته کیږي‌.

زمونږ هېواد چې پ،لیس یې تر ډېره بریده مسلکي ‌نه دي ‌وخت ناوخته یې د چارواکو نا سمې کړنې ددې سبب ګرزي‌ چې دا ملي‌اداره لا نوره زیانمنه کړي‌.خبریالان وايي رګ ته په کار دي ‌چې دا موضوع جدي ونیسي او په سمه توګه ېې وڅېړي که دا کار د کورنیو چارو وزیر ښاغلي ‌اندرابي ‌کړی وي ‌باید معافي وغواړي که داسې ونه کړي نو دا به یو مثال وګرزي هغه خلکو ته چې هر سړۍ به پاڅي او یو بل ته به ګواښونه کوي کوم چې د هېواد لپاره د شرم خبره ده،

د یادونې وړ ده چې په دې اړه سوشل ميډیا کې هم ډېرې لیکنې شوي دي او عامو وګړو ویلي دي چې باید دولت په دې قضیه کې ملامت دۍ باید څېړنې وکړي ترڅو دغه ډول کړنې بیا تکرار نشي او د قانون حاکمیت پکې قایم او دایم وي دې، که دولت دغه قضیه همداسې پرېښوده نو دا به نور خلک هم دې ته وهڅوي چې فساد او نور قانون خلاف کارونه وکړي،

د تواب غورځنګ جنازه خوست کې وشوه او هملته خاورو ته وسپارل شو،نن په خوست کې امنیت شورا پخوانۍ ویاند اوو ژورنالست چې د زړه له حملې امله پرون ومړ نن د ځانګړو مراسمو په ترڅ کې خوست ولایت کې خاورو ته هم وسپارل شو،

یادو مراسمو کې د خوست والي محمد صديق پتمن، د خوست ولایت د ملي امنيت رييس، د ولسمشر غني سلاکار عبدالرشيد ايوبي، دخوست ولايت ځوانانو، عالمانو، قومي مشرانو، مدني فعالانو، د ارواښاد کورنۍ، ليکوالانو او ژورناليستانو شامل وو مراسمو کې د خوست والي د غورځنګ مړينه د هېواد او خوست لپاره لويه ضايع وبلله او هغه يې يو د هېواد کدر یاد کړ محمد صديق پتمن د دې غمجنې پېښې له امله د هغه کورنۍ، خوستوالو او هېوادوالو ته تسليت مراتب وړاندې کړ او ارواښاد ته يې د الله ج له دربار څخه د جنت الفردوس غوښتونکۍ شو،

همدا رنګه د بهرنيو چارو وزير حنيف اتمر د ټيليفون له لارې د ارواښاد غورځنګ د مړينې له کبله تسليت وړاند کړ او وې ويل چې ارواښاد غورځنګ د ښه استعداد لرونکۍ ځوان وو او د ده هيلو ته به ځوانان رسېږي.نوموړي وويل، چې ارواښادپوه، زړور او ښه ليکوال و، د ده خدمتونه چې په بېلا بېلو برخو کې يې کړي، د نوموړي خدمات به تل ساتل کيږي،

د جمهور ریس غني سلاکار عبدالرشيد ايوبي ارواښاد غورځنګ د ځوانانو په کتار کې يو پياوړى ځوان ياد کړ او د هغه په مړينه يې ژوره خواشيني څرګنده کړه.د ارواښاد غورځنګ د کورنۍ په استازيتوب ليکوالاو ژورناليست ازاهد شاه انګار د خوست له والي، راغلو مېلمنو او ټولو خواخوږو نه مننه وکړه، چې په دې دروند غم کې يې ورسره ځانونه یو ځاۍ کړ،

دا هم باید یاد کړوچې ارواښاد تواب غورځنګ پرون د کابل په يو روغتون کې د زړه د حملې لهامله ومړ. هغه د ملي امنيت شورا د وياند، د سيمه ييزو ارګانونو د وياند او نورو بېلا بېلو ادارو کې کار کړى و، ارواښاد يو تکړه ليکوال او ژورناليست و او په وطن مين سخصیت وو، نوموړۍ د ښه اخلاقو خاوند هم وو،

دولت باید د نوموړي کورنۍ سره غم کې ځان سریک کړي او د نوموړي د کورنۍ قدرداني وکړي د دې ترڅنک باید د نوموړي د فامیل یو غړي ته په دولت کې د خدمت لپاره يو پوست ورکړي ترڅو د نوموړي ارمان او ارزوع سر ته ورسوي ځکه غورځنګ به تل دا ارمان لاړه چې وطن ته خدمت وکړي دا هم بد یادولو ده چې د غورځنګ سیال په اړه په سوشل ميډيا کې هم خلکو او چارواکو ليکنې کړي دي او د نوموړي کورنۍ سره ېې غمرازي کړې ده،

د طالبانوامیر خپل اختریز پیغام تیره ورځ خپور کړی وو چې د بين الافغاني خبرو او اوربند په په کې څه نه وو ويل شوي. نوموړي په خپل پيغام کې پر امريکا غږ کړۍ وو چې د دوحه کې د دوی د تړون پر وړاندې خنډونه له منځه يوسي او د طالبانو سره شوي تړون کې ژمنې په کلکه پلي کړي.

د ملا هبت الله اخونزاده په پنځو ژبو (پښتو، دري، عربي، انګلیسي او اردو) نشر شوۍ دې پیغام کې د دې موضوع له یادولو پرته په زندانونو کې د بندیانو وضعیت بد بلل شوی او له خیریه بنسټونو او انساني حقونو ادارو غوښتل شوې چې ژر تر ژره د بندیانو د خوندیتوب او خلاصونه لپاره ګامونه واخلي.

‌په ورته وخت کې، کابل کې د پارلمان ځینو غړو له حکومته غوښتي چې پر امریکا فشار راوړي له افغان حکومت سره دوه اړخیز امنیتي تړون ته ژمنه پاتې شي.

افغان حکومت په افغانستان کې وروستي تاوتریخوالي ته په اشارې وايي، چې د طالبانو او امریکا د سولې تړون بې ګټې دی، خو طالبان بیا بیا افغان حکومت تورن کړی چې له امریکا سره یې د سولې تړون د پليتابه خنډ دی.

د ملا هیبت الله د دغه پيغام په غبرګون کې د ولسمشر ویاند صديق صديقي  صديقي په ټوېټر غبرګون ښوودلی دی. نوموړي په ټوېټر ليکلي دي، “عجيبه ده، هره ورځ ولسي وګړي په بمونو الوزوي او بيا د سولې تړون په اړه خبرې کوي.”

د يادونې ده چې کابل او ننګرهار کې د يو څو وروستيو بريدونو وروسته افغان حکومت او طالبانو جګړه سره تېزه کړې ده او هغه هيله چې ولس د کوچني اختر په شپو ورځو کې د اوربند درلوده، ښايي تر سره نه شي. دا هم باید یاده کړو چې که څه هم د سولې خبرې روانې دي باید ټول افغانان سره یو موټۍ او یو غږ شو تر څو په یو غږ سره ټول له طالبانو سره خبرې اترې وکړو او د ريښتينې سولې په طرف روان شو او په ځان بسیا افغانستان ولرو.تر څو موږ ټول هېوادوال په ارامه فضاء کې ژوند وکړو.