ولې دځينو پلګونو نوکې درې وي؟

ولې دځينو پلګونو نوکې درې وي.تاسوبه لېدلي وي، چې د برق په سویچ یا پلګ کې دوه نوکې وي، چې بېخي ساده لامل لري، یعنې یوې یې ګرم تار (کرنټ) او بل یې یخ تار نیوټرل نومېږي. کله چې سویچ یا پلګ ولګول شي، نو د ګرم او یخ تار په سبب یې سرکټ بشپړېږي او د برښنا د حرکت لامل یې ګرځي،

بلخوابیا کله چې یې یو تار هم لېري یا پرې شي، نو سرکټ یې له کاره لوېږي او د برښنا حرکت یې له خنډ سره مخ کېږي.تر دې ځایه خو به پوه شوي یئ، خو ځینې داسې سویچونه یا پلګونه هم شته دی، چې د دریو نوکو درلودونکی وي او همدغه دریمه نوکه دغه پوښتنه راولاړوي، چې آخر دا دریمه نوکه د کومې موخې لپاره استعمالېږي د ذکر شوې پوښتنې ځواب ډېر آسانه ده او هغه دا چې که چېرته د دوو تارو لرونکی سویچ یا په بله وینا په سویچ کې موجوده برښنا مو ونیسي یا جټکه راکړي،

یاد سرکټ د بشپړېدو په سبب موږ ته دومره په سختۍ سره جټکه راکولی شي،چې د مړینې لامل مو هم ګرځېدلی شي. دغه راز که چېرته په اصلي تار کې په دومره اندازه برښنا لاړه شي، چې هغه یې د رسولو وړتیا ونه لري، نو د کورونو یاهم د شیانو د سوځېدو یا د اور د لګېدو خطر ډېرولی شي.

ویل کېږي،د همدې خطر په نظر کې د نېولو سره په سویچونو یا پلګونو کې دریمه نوکه یا تار هم لګول کېږي او په ځینو حالاتو کې دریم تار په ځمکه کې تېرېږي چې د ډېرې برښنا په صورت کې دغه تار خپله دنده ترسره کوي او اضافي برښنا د ځمکې په لور کشوي او د کور شیان له سوځېدو یا د اور له لګېدو څخه مخنیوى کوي.

همدا راز که چېرته مو برښنا ونیسي نو دغه تار بیا خپله دنده ترسره کوي او د برښنا د خطر مخنیوى کوي او د انساني ژوند د خونديتوب لامل ګرځي.هیله ده چې پورتنۍ لیکنه به مو په غور سره لوستي وي او د سویچونو یا پلګونو د اخیستلو پر وخت به ذکر شوي ټکي در یاد شي.

دټک ټاک کارونکولپاره نوی خبر

ددټک ټاک کارونکولپاره نوی خبر. ټک ټاک په پاکستان او افغانستان کې ډېر استفاده کونکی اپ دی او هره ورځ لسګونه کسان او مشهورې څېرې ویډیو ګانې جوړی۔اوس ټک ټاک د خپلو کاروونکو لپاره په يو نوي مهم بدلون باندې کار روان کړى دى.

د ساینس او ټېکنالوژۍ مشهورې وېبپاڼې The werg په يو راپور کې ذکر کړي دي، چې د کوچنيو ويډيوګانو مشهور اپليکېشن ټک ټاک مسوولين په دې اړه کار کوي، چې د ويډيوګانو وخت زيات کړي.د ټک ټاک مسوولين وايي، چې دوى به د ويډيو وخت تر درې دقيقو پورې اوږد کړي او په ازمايښتي ډول يې دا کار روان کړى دى. دوى وايي، چې په ازمايښتي وخت کې به دوى وګوري، چې دا بدلون په کاروونکو کې څه تغير راولي او څه پايلې يې راوځي.چې کارونکي ترینه نور هم مزه واخلي.

د دغه آپ لخواد اوږدو ويډيوګانو دا اسانتيا اوس يوازې ځينو مشخصو ټک ټاک کاروونکو ته ورکړل شوې ده او د لومړۍ ازمايښتي مرحلې څخه وروسته به د ټک ټاک مسوولين په دې اړه پرېکړه کوي، چې دا اوس ټولو کاروونکو ته وړاندې کړي او که نه.د يادولو وړ ده چې په ټک ټاک کې زيات نه زيات د ١ دقيقې ويډيو خپرولو اجازه شته، همدا د ټک ټاک ځانګړنه ده، ځکه د اوږدو ويډيوګانو لپاره د يوټيوب مشهوره وېبپاڼه شته، چې ميليونونه ليدونکي لري.او هر عام او خاص وګړي پکې خپل چېنلونه لري.

(TikTok) د کوچنيو ويډيوګانو له امله ډېر مشهور شو، ځکه همدا يې ځانګړې خبره وه، چې خلکو د دقيقو پر ځاى په ثانيو کې خپل پېغامونه خلکو ته رسول او د دې تر څنګ پکې جالبې ويډيوګانې هم په ثانيو کې خپروي، چې خلک يې ژر ګوري او ډېر وخت يې نه ضايع کېږي.

دټک ټاک کارونکولپاره نوی خبر
دټک ټاک کارونکولپاره نوی خبر

یادشرکت د ٣ دقيقو ويډيوګانو په تړاو په رسمي ډول څه نه دي ويلي، خو هغه وېبپاڼې او خلک چې د ټېکنالوژۍ په نړۍ نظر ساتي، هغوى وايي چې ټک ټاک دا اسانتيا مشخصو خلکو ته ورکړې ده او تر پايلو وروسته به نورو خلکو ته هم وړاندې شي.چې استفاده ترینه وکړي. خلکو ته لږ اوږده پیغامونه واستوي.او نورې جالب کلپونه جوړ کړي.