اسرائیلو خبر ورکړی چې د لبنان په سوېل کې یې د حزب الله له ۱۰۰ زیات توغندیز سیسټمونه په نښه کړي او له منځه وړي دي
اسرائیل وايي جنګي جټ الوتکو یې د لبنان سویل کې د یوه وسلهتون په ګډون کې د حزبالله غورځنګ اړوند تر سلو ډېر د توغندیو توغونکې سیستمونه او نور “ترهګریز ځایونه” په نښه کړي دي.
د اسرائیل دفاعي ځواکونو ‘ایډيایف’ ویلي، د دوی لخوا هدف ګرځول شوي توغندي دې ته چمتو وو چې د اسرائیل پر لور وتوغول شي.
پر دغه اهدافو تر سره شوي بریدونه
تر اوسه لا روښانه نه ده چې په دغو بریدونو کې مرګژوبله هم اوښتې که څنګه.
د لبنان دولتي خبري اژانس وايي، اسرائیلو د پنجشنبې ماښام مهال د دغه هېواد سویل کې لږترلږه ۵۲ هوايي بریدونه کړي او دا چې لبنان هم د اسرائیل شمال کې پر پوځي ځایونو ګوزارونه کړي دي.
تر دې لږ ورمخکې د حزبالله غورځنګ مشر حسن نصرالله ویلي وو چې اسرائیل په لبنان کې د مخابراتي الاتو په چاودنو سره له ټولو سرو کرښو اوښتي دي.
هغه دا د جګړې اعلان بللی و.
نوموړي ویلي، د پېجرونو چاودونو بریدونه- چې لږ تر لږه ۳۷ کسان یې ووژل، “له ټولو حدونو، اصولو او سرو کرښو تېرېدل دي، چې بې ګناه خلکو ته پکې هېڅ پام نه دی شوی.”
نور ولولئ:استرالیا هڅه کوي د سایبري بریدونو په وړاندې خپله ټکنالوژي پیاوړې کړي
نور ولولئ: استرالیا هڅه کوي د سایبري بریدونو په وړاندې خپله ټکنالوژي پیاوړې کړي
نوموړي زیاته کړه: ”که د جګړې جنایت یې بولئ او که د جګړې اعلان یې بولئ او که بل هر نوم ورکوئ، چې سم یې تشریح کړي، همدا د دښمن نیت و.”
د پیچرونو له لارې د اسرائیلو بریدونه
د سې شنبې پر ورځ د زرګونو پېجرونو او پر چهارشنبه بیا په ورته توګه د ګڼ شمېر لاسي مخابرو چاودنو له کبله نژدې ۲۶۰۰ کسان ټپیان شوي وو.
ګڼ رپوټونه وايي، د اسرائیلو جاسوسۍ ادارې (موساد) په لبنان کې له چاودنې مخکې د حزب الله په زرګونو پېجرونو کې چاودېدونکي توکي ځای پر ځای کړي وو.
د عکس تشریح،پر چهارشنبه په ګڼ شمېر مخابراتي الاتو کې چاودنې وشوې، چې له کبله یې مرګژوبله واوښته.
بل لور د روغتیا نړیوال سازمان (ډبلیو ایچ او) مسوولین وايي، روانه اوونۍ په لبنان کې د مخابراتي الاتو چاودونو د دې هېواد د عامې روغتیا په ”نازک سکتور کې جدي ګډوډي رامنځته کړې ده.”
د ډبلیو ایچ او مشر ټیډروس ادهانوم ګبریاسوس یوې خبري غونډې ته وویل، د دوی ادارې مسوولین په لبنان کې هغو خلکو ته وینه رسولې او هغه الات یې وېشلي چې په بېړنیز روغتیايي وضعیت کې ترې ګټه اخیستل کېږي.
