اړوند خبرونه:
پاکستان کې د ناامنۍ اوج؛ تازه د پولیسو پر یوه مرکز برید شوی
متقي: له پاکستان سره ښې اړیکې غواړو
د طالبانو د حکومت د ویاند مرستیال حمدالله فطرت د پاکستاني چارواکو د وروستیو څرګندونو په غبرګون کې ویلي، چې افغانستان کې ټولې وسلې خوندي دي او هیڅ چاته یې د ناسمې کارونې اجازه نه ورکول کیږي.
حمدالله فطرت دغه خبرې افغانستان کې له امریکایي ځواکونو د پاتې شویو وسلو او پوځي تجهیزاتو په تړاو د پاکستان بهرنیو چارو وزارت د اندېښنو په ځواب کې کړې دي.
د پاکستان بهرنیو چارو وزارت ویاند شفقت علي خان پرون (چهارشنبه) ادعا کړې وه، چې افغانستان کې له امریکایي ځواکونو پاتې وسلې د پاکستان د امنیت لپاره اندېښنې رامنځته کړي.
نوموړي ویلي وو، چې دغه وسلې د ځینو ډلو له لوري پاکستان کې د بریدونو لپاره کارول کیږي.
د پاکستان او افغانستان ترمنځ وضعیت په دې وروستیو کې سخت ترینګلی شوی او وخت ناوخته د دواړه لوریو ترمنځ نښتې کېږي.
