د طالبانو د کډوالو او راستنیدونکو چارو وزارت د پاکستان له زندانونو د ۴۲ افغانانو د خوشې کېدو خبر ورکړی دی.
دغه وزارت پنجشنبه د سلواغې پر ۲۰مه، په یوه خبرپاڼه ویلي چې په خوشي شویو کسانو کې ښځې او ماشومان هم شامل دي.
د طالبانو په وینا، دغه کسان د قانوني اسنادو د نه لرلو له امله نیول شوي وو.
پر دې سربېره ، دغه کسان له دوو تر پنځو ورځو پورې په « حاجي کمپ» کې ساتل شوي دي.
دا په داسې حال کې ده، چې پاکستان په وروستیو ورځو کې له اسلام اباده د افغان کډوالو د اېستلو بهیر ګړندی کړی دی.
