اړوند خبرونه:
عباس عراقچي: د افغان کډوالو د ستنېدو بهير به تدريجي وي
علیرضا بیګدلي: ایران کې افغان کډوال د دې هېواد په اقتصادي پرمختګ کې مهم رول لري
ملګري ملتونه: تېرو ۲ورځو کې نږدې ۹زره افغان کډوال له پاکستانه ایستل شوي
د پاکستان له زندانونو څخه د افغان بندیانو له خوشې کېدو په لړ کې د کډوالو چارو وزارت له دغه هېواد څخه د ۶۲ افغان بندیانو د خوشې کېدو اعلان وکړ.
وزارت نن (پنجشنبه، د غویي ۴مه) په لسمه پاڼه کې لیکلي چې ۶۲ افغان کډوال چې په پاکستان کې بندیان وو، د غویي ۳مه له زندان څخه خوشې او هېواد ته راستانه شول.
د کندهار ولایت د سپین بولدک سرحدي ریاست د نوم لیکنې او استقبال کمیټې د معلوماتو له مخې، یاد شوي کسان د پاکستان په بیلابیلو برخو کې نیول شوي او له یوې څخه تر څلورو ورځو پورې ساتل شوي وو.
پاکستان د روان کال د اپریل له لومړۍ نیټې راهیسې د افغان کډوالو د ایستلو دوهم پړاو پیل کړی دی. د راپورونو له مخې د روانې میاشتې له پیل راهیسې له ۸۰۰ زره څخه ډېر افغان کډوال بېرته هېواد ته راستانه شوي دي.
په لومړي پړاو کې، چې د ۲۰۲۳ کال په نومبر کې پیل شو، شاوخوا ۸۰۰ زره افغان کډوال یا په زور یا په خپله خوښه خپل هېواد ته راستانه شول.
په هغه وخت کې، د پاکستان لنډمهاله لومړي وزیر انورالحق کاکړ ادعا وکړه چې په هېواد کې ناامني زیاته شوې او “ناقانونه افغان” کډوال په ډیری پیښو کې ښکیل دي.
