د ښځو د فوټبال نړیوال جام؛ کولمبیا په وروستیو شیبو کې جرمني ته ماتې ورکړه
![230730071548 04 wwc germany colombia 073023](https://afghannow.net/wp-content/uploads/2023/07/230730071548-04-wwc-germany-colombia-073023-348x196.jpg)
د ښځو فوټبال نړیوال جام سیالیو کې نن کولمبیا په وروستیو شیبو کې جرمني ته ماتې ورکړه
د ښځو د فوټبال د نړیوال جام د سیالیو په لړ کې کولمبیا، جرمني ته په ۹۷مه دقیقه کې ماتې ورکړه.
د اسټرالیا په پلازمینه سیډني کې د لوبې په وروستیو شیبو کې د کولمبیا د ښځو د فوټبال د ملي لوبډلې مدافع لوبغاړې، مانویلا وانیګاس د یو ګول په وهلو سره د جرمني د ملي لوبډلې پر وړاندې خپل لوبډله، ۲ د ۱ په وړاندې بریالۍ کړه.
نور ولولئ: د ښځو فوټبال نړیوال جام سیالۍ؛ د امريکا لوبډلې لوبه مساوي کړه
د جرمني د لوبډلې برید کوونکې الکساندرا پاپ، د لوبې په ۸۹مه دقیقه کې د یو ښکلي ګول په وهلو سره لوبه یو د یو په مقابل کې مساوي کړې وه.
خو د کولمبیایي بریدګرې وانیګاس بیساري هڅه د کولمبیا لوبډلې ته درې امتیازونه په برخه کړل او اوس دا لوبډله د شپږو امتیازونو په لرلو سره د “ایچ ګروپ” په سر کې دی.
جرمني او مراکش په کوم مقام کې دي؟
جرمني او مراکش په ترتیب سره د دریو پاینټونو په درلودلو سره په دوهم او دریم مقام کې دي او سویلي کوریا د دوو ماتو او هیڅ نمرو په لرلو سره د ګروپ د جدول په پای کې ده.
په “الف ګروپ” کې سویس او ناوری په ترتیب سره د پنځو او څلورو پواینټونو په لرلو سره په لومړي او دویم ځای کې دي.
نور ولولئ: د ښځو فوټبال نړیوال جام پیل؛ لومړۍ لوبه له استرالیا، نیوزیلنډ وګټله
همدغه راز په “بي ګروپ” کې نایجریا او کاناډا د څلورو نمرو په لرلو سره په لومړي او دویم ځای کې دي.
په “سي ګروپ” کې اسپانیا او جاپان د شپږو پواینټونو په ګټلو سره په لومړي او دوهم کتار کې دي او په ډي ګروپ کې انګلستان په شپږو پواینټونو سره په لومړي او ډنمارک د دریو پواینټونو په لرلو په دوهم ځای کې دي.
په دې لوبو کې د لوبډلو شمېر او امتیازونه
په “الف ګروپ” کې امریکا د څلورو پاینټونو په لرلو، فرانسه په “ایف ګروپ” کې د څلورو پواینټونو او سویډن په “جي ګروپ” کې د شپږو امتیازونو په لرلو سره د خپلو ګروپونو په سر کې دي.
د ښځو د فوټبال دا نړیوال جام په اسټرالیا او نیوزیلنډ کې په ګډه ترسره کېږي او د ۳۲ هېوادونو لوبډلې پکې برخه لري.
ددې تر څنګ د فوټبال دا ښځینه نړیوال جام د تېرو کلونو په پرتله خورا له جوش ډک دی او ګڼ تماشهچیان ورمات شوي دي.