شکیب الحسن به نن شپه له سویلي افریقا څخه بېرته خپل هېواد ته ستون شي، د نوموړي د ستنېدو لامل د هغه کورنۍ ستونزې ګڼل شوي دي.
د معلوماتو له مخې، د بي سي بي د کرکټ عملیاتي کمیټې مشر جلال یونس د دې خبر د تاییدولو پر مهال ویلي چې نوموړي ته یې د انساني خواخوږۍ په اساس رخصت ورکړی دی.
له دې وړاندې شکیب الحسن د بنګله دیش کرکټ بورډ ته ویلي وو چې له ذهني او فزیکي فشار سره مخ دی او د رخصت غوښتنه یې کړې، خو له سختو نېوکو وروسته هغه بېرته لوبډلې سره یوځای شو.
نور یی ولوله | کندهار کې د اوسپنې د ویلې کولو د یوې فابریکې د جوړولو کار پیل شو
دغه ۳۴ کلن لوبغاړی د ناڅاپه رخصت وروسته د څارونکو له خوا تر نیوکو لاندې راغی، همدا و چې شکیب الحسن اړ شو چې خپله پرېکړه واخلي او سویلي افریقا ته سفر وکړي.
خو اوس ویل کېږي چې د هغه کورنۍ کوم غړی په روغتون کې دی او نوموړی به نن شپه خپل هېواد ته ستون شي.
