ټېلېګرام اداره وايي، له چارواکو سره به له دې وروسته د کارکوونکو معلومات شریکوي
د ټېلېګرام مسئول وايي، ددغه شبکې کاروونکي له جرمونو سره هېڅ تړاو نه لري، خو که چېرته چارواکي په لوړه کچه حقوقي اسناد وړاندې کړي، نو د ځینو کارکوونکو شمېرې او ای پي به ورسره شریکه کړي.
د ټېلېګرام پیغام رسونې شبکې اعلان کړی، چې له دې وروسته به د خپلو کاروونکو د ټلیفون شمېره او انټرنټي پته (ای پي) د محکمې حکم یا نورو معتبرو قانوني غوښتنو په صورت کې له چارواکو سره شریکوي.
د یادې شبکې خدمتونه
د ټېلېګرام شبکې بنسټ اېښودونکي او مدير پاول دوروف ويلی چې دشبکې په خدمتونو او د محرميت تګلاره کې دا بدلون ښايي مجرمې ډلې د ټېلېګرام له کارونې زړه تورې کړي.
نوموړي پر خپل ټېلېګرام چېنل ليکلي، “په داسې حال کې چې د دې شبکې ۹۹.۹۹ سلنه کاروونکي له جرم سره هېڅ تړاو نه لري خو ۰.۰۱ سنله کاروونکي يې په جرمي فعاليتونو کې ښکېل دي چې د ټېلېګرام رنګه يې بده کړې ده او د نژدې يو میليارد کاروونکو ګټې يې له ګواښ سره مخامخ کړې دي دي.”
نور ولولئ: ایا ټیکنالوژي زموږ ژوند ښه کړی؟
نور ولولئ: د چین او اپل کمپنۍ اختلافات او د ایفون بازار رالوېدل
دا د ټېلېګرام په تګلارو کې جدي بدلون دی او له هغه وروسته راځي چې د دې پيغام رسوونکې شبکې روسي توکمی مشر تېره مياشت په فرانسه کې ونيول شو.
ټېلېګرام د سایبري جرمونو په برخه کې همکاري نه ده کړې
د ده پر شبکه کې د ماشومانو په اړه د ناوړه محتوا خپرولو، رسولو او تنظيمولو تورونه پورې شوې دي.
همداراز د مخدره توکو په چمتو کولو، ساتلو او لېږد رالېږد کې د ښکېلتيا تورونه هم پرې لګول شوي دي.
د فرانسې د پوليسو يوه وياند رويټرز خبري اژانس ته ويلي، له پاول دوروف څخه چارواکي په دې تړاو پلټنې کوي چې په وينا يې په ټېلېګرام کې د مالي او سايبري جرمونو په تړاو څېړنو کې يې همکاري نه ده کړې.
ښاغلي دوروف د دوشنبې په ورځ ويلي چې په خپله ټولنيزه شبکه کې د منځګړيتوب يوه ځانګړې ډله ګوماري چې د مصنوعي ځيرکتيا په مرسته په ټېلېګرام کې د نامناسبې منځپانګې د خپرېدو مخه ونيسي.
د ټکنالوژي کارپوهان وايي، ځینې داسې شبکې شته چې کاروونکي یې هڅه کوي، ځینې جرمونه د هغوی له لارې په داسې شکل تر سره کړي چې هویئت یې پټ پاتې شي.
خو ټېلېګرام اوس هڅه کوي چې له امنیتي ادارو سره همکاري وکړي.
