طالبانو د داعش دوه غړي نیولي، چې افغانستان ته د ورانکارۍ له پاره راغلي وو او دلته یې ورانکاري کوله
طالبانو پورې تړلې رسنۍ المرصاد د دوو تنو هغو کسانو ویډیو ګانې خپرې کړې، چې وايي د پاکستان اوسېدونکي دي او افغانستان ته د ورانکارو چارو لپاره رالېږل شوي وو.
د دغو دوو نیول شویو کسانو په ډله کې یو یې د داعش خراسان لپاره د ځوانانو د جلبولو لپاره ګومارل شوی و او بل هغه یې په نورو تبلیغاتي او ورانکارو چارو کې لاس لاره.
د تلګرام له لارې د جلب او جذب هڅه
دغو دواړو دا منلې، چې د ټېلګرام له لارې یې په اروپا کې مېشت افغانان د داعش سره یو ځای کولو ته هڅول او د داعش خراسان لپاره یې مالي ملاتړ تر لاسه کاوه.
دغو دواړو کسانو ځانونه د پاکستان اوسېدونکي پېژندلي، چې یو یې په پښتو او بل یې په اردو ژبه خبرې کوي، دوی دواړو دا منلې چې په پاکستان کې د داعش خراسان ډلې سره یو ځای شوي وو.
نور ولولئ: تحریک طالبان پاکستان په فبرورۍ کې ۱۷۲ پاکستاني پوځیان او پولیس وژلي
نور ولولئ: پر افغان خاوره د پاکستان برید او د طالبانو چټګ غبرګون
خو دا معلومه نه ده، چې دغه اعترافات له نیول شویو کسانو څخه په څه وړ شرایطو کې اخیستل شوي او تر اوسه کومې خپلواکې سرچینې هم د دغو اعترافاتو په اړه څه نه دي ویلي.
افغانستان انټرنشنل هم د دغه شان اعترافاتو د کرهوالي په اړه څه نه شي ویلای.
طالبان او داعس
تر دې وړاندې هم طالبانو څو، څو ځلې ویلي و، چې د داعش ډلې ګڼ کسان یې نیولي او دغه ډله یې ځپلې ده؛ خو وروستیو پېښو ته په کتو داسې نه ښکاري، چې طالبانو دې په افغانستان کې د داعش ډله ځپلې وي.
د پاکستان د پوځ ویاند د داسو د پېښې اصلي عاملین افغانان ګڼلي وو؛ خو خوارزمي وايي، چې د خیبر پښتونخوا په یوه داسې سیمه کې چې د پاکستان د پوځ تر کلک امنیتي پوښښ لاندې ده د چینايي اتباعو وژل کېدل د پاکستاني امنیتي ارګانونو کمزوري او یا هم له حمله کونکو سره همکاري په ډاګه کوي، چې په دواړو صورتونو کې یې مسوولیت د پاکستان حکومت ته متوجې دی.
نوموړی وايي، چې دوی له خپلې خوا د چین هېواد ته په دې مورد ډاډ ورکړی او هغوی هم په حقیقت پوه شوي دي، چې دوی په داسې موضوعاتو کې ښکیل نه دي.
