وروسته له هغه چې په تهران کې د افغانستان د سفارت مشري بدله شوه، د ایران د بهرنیو چارو وزارت د ډیپلوماټانو بدلون تایید کړ، خو ویې ویل چې دا په ایران کې د سفارت په قانوني حیثیت کې د بدلون په معنا نه ده
د ایران د بهرنیو چارو وزارت ویاند ناصر کناني په یوه خبري کنفرانس کې وویل چې له اوسني افغان حکومت سره د تهران په اړیکو کې کوم بدلون نه دی راغلی
نور یی ولوله | امیري په دوحه کې د افغان ښځو د کارموندنې او تعلیم په اړه خبرې وکړې
نور یی ولوله | څنګه په ځوانۍ کې بریالي شو
“د یوه دیپلومات د ماموریت پای ته رسیدل او د هغه سفارت څخه بل ډیپلوماټ ته د سفارت د چارو سپارل د سفارت په حقوقي حیثیت کې د بدلون په معنی نه دي او د ایران د اسلامي جمهوریت په دریځونو کې د اړیکو د څرنګوالي په اړه کوم بدلون نه دی راغلی. د افغانستان اوسنی حکومت،” کناني وویل
یوه پخواني ډیپلومات عزیز مریج وویل، دا ممکنه ده چې د نورو هیوادونو سفارتونه به د طالبانو ډیپلوماتان ومني که طالبان د بشري حقونو، د ښځو د تعلیم حق او په ټولنه کې د ښځو شتون په اړه د نړۍ شرایط ومني
د یو شمېر سیاسي شنونکو په باور، په ایران کې د افغان سفارت د اوسني حکومت د ډیپلوماټانو د منلو پرېکړه د دواړو هېوادونو د دوه اړخیزو اړیکو لپاره ډېره مهمه ده
د سیاسي چارو کارپوه، وحید فقیري وویل، ایران او کابل دواړه په دې پوهېږي چې په سیمه کې یو نوی ځواک په راڅرګندېدو دی، یو پرمختللی، باخبره او دیموکراتیک ځواک په رامنځته کېدو دی او دا د دوی لپاره لوی ګواښ دی
د سیاسي چارو بل کارپوه احمد خان اندړ وویل:موږ هیله من یو چې نور ګاونډیان هم دا ډول اقدامات وکړي ترڅو د افغانستان د اسلامي امارت او نړیوالې ټولنې تر منځ سیاسي اړیکي د ګاونډیانو له لوري پرمختګ درک او نږدې شي
د سیاسي چارو بل کارپوه نجیب الله شمل وویل، د دا ډول اړیکو او بشري مرستو برابرول زموږ د خلکو او هېواد په ګټه دي او له سیاسي اړخه هم د افغانستان د اسلامي امارت د پېژندلو هڅې دي
که څه هم تر اوسه کوم هیواد اسلامي امارت په رسمیت نه دی پیژندلی، خو یو شمیر هیوادونه لکه ترکیه، چین، روسیه، ازبکستان، پاکستان، قطر او یو شمیر نور په افغانستان کې فعال سیاسي استازي لري
