کابل: د افغانستان د بهرنیو چارو وزارت په یوه تازه خبرپاڼه کې هغه قطر کې بند پاتې افغانان چې امریکا ته د تګ په تمه دي، هېواد ته په خپله خوښه راستنېدو ته رابللي دي. دا پرېکړه وروسته له هغه اعلانېږي چې په قطر کې مېشتو کډوالو ته د امریکا لخوا د نوي برخلیک ټاکلو په اړه جدي اوازې خپرې شوې.
د وزارت وړاندیز: “عزتمندانه راستنېدنه”
بهرنیو چارو وزارت په خپله اعلامیه کې ویلي چې افغانستان د ټولو افغانانو ګډ کور دی او هر څوک چې غواړي، کولای شي بېرته راشي. په خبرپاڼه کې ټینګار شوی چې: “هیڅوک په زور بل هېواد ته نه لېږدول کېږي.” وزارت وړاندیز کړی چې قطر کې بند پاتې افغانان دې لومړی خپل هېواد ته راشي او بیا دې له دې ځایه په پوره عزت سره د نورو هېوادونو په اړه خپله پرېکړه وکړي.
قطر کې بند پاتې افغانان، د کانګو جنجال او د کډوالو بغاوت
د دغه وړاندیز تر شا تر ټولو مهم لامل هغه راپورونه دي چې وایي امریکا غواړي دا افغانان د کانګو دیموکراتیک جمهوریت ته لېږدوي. د دغه خبر له خپرېدو سره سم، په قطر کې میشتو افغانانو سخت غبرګون وښود او په کلکه یې کانګو ته له تګ څخه انکار وکړ. کډوال اندېښمن دي چې د کانګو امنیتي او اقتصادي وضعیت به د دوی ژوند نور هم له خطر سره مخ کړي.
د ډونالډ ټرمپ ناخبري او د وضعیت پېچلتیا
دې جنجال هغه مهال نوی اړخ غوره کړ چې په خواله رسنیو کې د امریکا د پخواني ولسمشر ډونالډ ټرمپ یوه ویډیو لاس په لاس شوه. په دغه ویډیو کې له ټرمپ څخه د افغان کډوالو د کانګو ته د لېږد په اړه پوښتنه کېږي، خو نوموړی په ځواب کې وایي چې
دی له دې پرېکړې هیڅ خبر نه دی. د ټرمپ دا خبره د پرېکړې مشروعیت تر پوښتنې لاندې راولي او قطر کې بند پاتې افغانان یې په لا لویه بې برخلیکۍ کې اچولي دي. قطر کې بند پاتې افغانان
د کابل بهرنیو چارو وزارت ویلي چې دوی له نورو هېوادونو سره د کونسلي همکاریو په چوکاټ کې د خپلو اتباعو د حقونو ساتنې ته چمتو دي، ترڅو د افغانانو له مجبوریتونو څخه ناوړه ګټه پورته نشي.
