ژوند
څه ډول له خپلو ملګرو د مرستې غوښتنه وکړو؟
![ژوند,مرسته](https://afghannow.net/wp-content/uploads/2022/02/helpingafriend.webp)
دا خبره سمه ده چې کله له کوم چا د مرستې غوښتلو ته اړتیا وي یا اړتیا پېښېږي، نو په دې صورت کې پیغام یا بریښنالیک لېږل یا د زنګ وهل خورا آسانه وي.
خو یوې نوې څیړنې موندلې، که تاسو غواړئ چې یو څوک له تاسو سره مرسته وکړي، نو تاسو باید ورسره مخامخ کېنئ او د مرستې په اړه یې وپوښتئ.
څیړونکو موندلې، هغه خلک چې مخامخ د مرستې غوښتنه کوي د هغو کسانو په پرتله چې د ویډیویي زنګ یا بریښنالیک له لارې د مرستې غوښتنه کوي، د مرستې ترلاسه کولو چانس یې زیات کوي.
مخکښ څیړونکي ایم مهدي روغنیزاد ویلي، موږ وموندله چې د مخابراتي چینلونو لکه ویډیویې زنګ وهل یا بریښنالیک له کارولو څخه د مخامخ مرستې غوښتنه کول خورا ښه وي.
د څېړنو پایلو ښودلې هغه خلک چې له خپلو ملګرو مخامخ مرسته غواړي د نورو په پرتله خورا اغیزمن وي او ښایي مرسته ترلاسه کړي.