محمد حسنین به ډېر ژر د توپ اچونې ازموینه ورکړي
پاکستانۍ رسنۍ ادعا کوي چې د پاکستان ملي لوبډلې چټک توپ اچونکی محمد حسنین د بایو میخانیکي ازموینې لپاره ډېر ژر د کرکټ له نړیوالې شورا سره اړیکه ونیسي.
د سرچينو د معلوماتو له مخې، پاکستاني روزونکي عمر رشيد له محمد حسنين سره په ګډه کار کړى دی، چې وروستو يې د توپ اچونې ايکشن یا سټایل کې د پام وړ ښه والى راغلى دى.
د محمد حسنین د توپ اچونې د سټایل ازموینې د پاکستان په لاهور کې د آی سي سي لخوا منظور شوي بایو میخانیک لابراتوار کې ترسره شوي او اوس یې د رسمي ازموینې لپاره بیاهم نړیوالې ته یو لیک استولی دی.
نور یی ولوله | کرزی: هیله لرم چې د افغانستان او پاکستان اړیکې به پیاوړې شي
ياده دې وي چې محمد حسنين په بيګ بيش ليګ کې د توپ اچونې پر مهال تر شک لاندې راغلی و او له هغې وروسته یې د غېر قانوني توپ اچونې راپور ورکړل شوی و.
وروسته له هغې د دغه چټک توپ اچونکي د سټایل ازموینه په لابراتوار کې واخیستل شوه او وروسته يې د توپ اچونې ايکشن غير قانوني اعلان شو او بندیز پرې ولګېده.
