فنلډ له هغه وروسته د ناټو دفاعي سازمان ۳۱م غړی هېواد شو چې د ترکیې پارلمان یې د تائید لپاره رایه ورکړه

ترکیې تر څو میاشتو پورې د لوېدیځو هېوادونو په دفاعي سازمان کې د فنلنډ ګډون لپاره خپله رایه ځنډولې وه، چې په وینا یې دا هېواد د ترهګرو ملاتړ کوي. له ورته شکایتونو سره ترکیې تر اوسه په ناټو سازمان کې د سویډن د ګډون مخه نیولې چې تېر کال یې په ورته وخت د ګډون لپاره غوښتنلیک وړاندې کړی.

د یادونې ده چې په ناټو سازمان کې د هر نوي هېواد ګډون د ټولو غړو هېوادونو له تائید وروسته شونې کېږي.

فنلنډ به اوس د ناټو غړو هېوادونو په هغه غونډه کې رسما د دې سازمان غړی هېواد اعلان شي چې راتلونکې جولای میاشت کې په لیتوانیا کې رابلل شوې ده.

له دې مخکې د ترکیې ولسمشر رجب طیب اردوغان د مارچ میاشتې په لومړیو کې له ناټو سره د فلنډ ګډون د ترکیې امنیت برخه کې له سمو او کلکو اقداماتو وروسته تائید کړ.

خو د سویډن په برخه کې د نوموړي ناراضیتي برالا وه چې د سویډن په لارو، کوڅو کې یې د کردي ملېشو د مظاهرو او مخالفو کردانو ته د پناه ورکولو تور یې پرې پورې کړ.

پر اوکراین د روسیې له یرغل وروسته فنلډ او سویډن پوځي بې پرېتوب پرېښی

پر اوکراین د روسیې له یرغل وروسته په فلنډ کې له ناټو سره د یو ځای کېدو لپاره د ولسي ملاتړ کچه سملاسي له صفره اتیا سلنې ته ختلې

پر اوکراين وروسته له هغې روسي ځواکونو بريد وکړ چې غوښتل یې د ناټو سازمان غړی هېواد شي.

اوس هم داسې انګيرل کيږي چې له اوکراين وروسته د فنلنډ او سويډن وار دی چې د روسي ځواکونو له لوري به بريد پرې وشي.

وار له مخه دوی له امريکا ځينې وسلې هم پيرلې دي او المان هېواد دوی ته د پوره همکارۍ ډاډ ورکړی دی.

له اوکراين وروسته فنلنډ د اروپا دروازه بلل کيږي چې پر دوی بريد به پر ټوله اروپا د بريد په مانا وي.

نور ولولئ: په ناټو کې د فنلنډ غړيتوب لپاره د هنګري پارلمان کې رايه اخيستنه ځنډول شوې

دا مهال په فنلنډ کې له اوکراين نه ورغلي ډېر شمېر مهاجرين دېره دي او لا هم دغه سيل ورروان دی.