روسیې له ۴۷ کلن ځنډ وروسته سپوږمۍ ته بېړۍ ولېږله
![eed93d26 b1c4 488e a672 25bc367bd68d](https://afghannow.net/wp-content/uploads/2023/08/eed93d26-b1c4-488e-a672-25bc367bd68d-348x196.jpg)
مسکو له ۴۷ کلن ځنډ وروسته سپوږمۍ ته توغندی وروتوغاوه
روسیې له نږدې نیمې پېړۍ وروسته د سپوږمۍ ځمکې (سطحه) ته توغندی وروتوغاوه.
روسیه هڅه کوي له نورو هېوادونو مخکې د سپوږمۍ سویل قطب ته ځان ورسوي او غواړي لومړنی هغه هېواد شي، چې د سپوږمۍ نا څېړل شوې برخه کې کار پيل کړي.
نور ولولئ: ایولس سپوږمکۍ ځمکې ته راښکته کېږي، خو ځای یې نا معلوم دی
د روسیې لونا- ۲۵ توغندی له پلان سره سم د دې هېواد په ختیځ کې له ووستوچني فضايي اډې څخه وتوغول شو.
داسې انګېرل کېږي، چې د سپوږمۍ په سویلي قطب کې د اوبو زیرمې شتون لري.
د روسیې یاد فضایي توغندی به د هند له چندریان – ۳ سره سیالي وکړي.
د هند چندریان ۳ توغندی
هند هم تېره میاشت د سپوږمۍ پر لور خپل توغندی چندریان – ۳ وتوغاوه، چې دمګړۍ د سپوږمۍ شاوخوا ګرځي.
د هند یاد توغندی به د روانې اګست میاشتې په ۲۱مه د سپوږمۍ پر ځمکه کښېني.
هندي چارواکو د دې اوونۍ په پیل کې ویلي و، چې چندریان – ۳ به د اګست میاشتې په ۲۳ مه د سپوږمۍ پرځمکه کښته شي.
دا په داسې حال کې ده چې هند په دې وروستیو کې د ټکنالوژي په برخه کې ډېر پرمختګ کړی دی.
روسیه د عصري وسلو د جوړولو هڅې هم کوي
څه موده وړاندې سياېناېن خبري شبکې د امریکا د استخباراتي چارواکو په حواله ویلي و چې روسیه دغه کارخونه د ایران په همکارۍ جوړوي او دا چې د رغېدو چارې یې ښايي د راتلونکي زیږدیز کال په لومړیو کې بشپړې شي.
په دغو استخباراتي مالوماتو کې راغلي چې د دې سره به روسیې ته د اوکرایین جګړې لپاره د ډرون الوتکو یوه ستره زېرمه په لاس ورشي.
د کارخونې د سیمې انځورونه پر سپوږمکۍ اخیستل شوي
د امریکا د ملي امنیت شورا ویاند جان کربي تېره میاشت د سپوږمکیو په وسیله د اخیستل شویو تصویرونو په استناد ویلي وو چې دغه کارخونه د روسیې په ځانګړې اقتصادي سیمه “الابوګا” کې جوړېږي.
هغه زیاته کړې وه چې مسکو له تهرانه اړین مالوماتو او تجهیزات ترلاسه کوي.
نور ولولئ: سي ای اې وايي، روسیه د ایران په همکارۍ د ډرون الوتکو کارخانه جوړوي
د رپوټونو پر بنسټ ایران وار له مخه روسیې ته سلګونه چاودیدونکي ډرونونه او همدا راز د دغو الوتکو اړوند تجهیزات ورکړي دي.
د وايي ایران پرله پسې د خزر سیند له لارې روسیې ته د توپ مرمۍ، بې پیلوټه الوتکې او نور تجهیزات استوي.