کرېکټ نړيوال جام؛ د افغانستان جادوګر بالینګ انګلستان له پښو واچوه
![afgvseng wc23 afgwin.scorimg](https://afghannow.net/wp-content/uploads/2023/10/afgvseng_wc23_afgwin.scorimg-348x196.jpg)
د ۲۰۲۳ کار د کرکټ نړیوال جام سیالیو کې افغانستان انګلستان په لوی ټوپیر مات کړ
انګلنډ د نننۍ لوبې پچه وګټله او لومړی یې د توپ اچوونې پرېکړه وکړه. افغانستان لوبډلې د ۴۹ اعشاریه پنځه اوورونو له لوبې وروسته ټول لوبغاړي له لاسه ورکړل او ۲۸۴ منډې یې وکړې.
په ځواب کې د انګلنډ لوبډلې په ۴۱ اورونو کې د ۲۱۵ منډو په جوړولو سره ټول لوبغاړي له لاسه ورکړل.
نور ولولئ: د کرکټ نړیوال جام؛ هند افغانستان ته ماتې ورکړه
رحمان الله ګوربز او ابراهیم ځدراڼ د افغانستان له لوري لوبه پیل کړه. د لسم اوور تر پایه دې دواړو افغان لوبغاړو په شریکه له هېڅ زیان پرته ۷۰ منډې وکړې. ۲۱ کلن رحمان الله ګوربز د یوولسم اوور په پیل کې خپله پنځوسیزه بشپړه کړه.
د افغان لوبډلې لومړۍ ویکټې لوېدل
ابراهیم ځدراڼ د افغانستان لومړنی لوبغاړی و، چې د نننۍ لوبې په ۱۷م اوور کې یې د ۲۸ منډو له جوړولو وروسته وېکټه له لاسه ورکړه. نوموړی د عادل رشید په توپ کېچ اوټ شو.
د لوبې نولسم اوور کې د افغانستان دویمه وېکټه وغورځېده. رحمان الله ګوربز له ۵۸ توپونو ۸۰ چټکې منډې تر لاسه کړې او رن اوټ شو. ګوربز په نننۍ لوبه کې څلور شپږیزې او اته څلوریزې ووهلې.
له هغې وروسته د افغانستان وېکټې یو په بل پسې ولوېدې، خو اکرام علي خېل او مجیب الرحمان ملګرتیا افغانستان سره ډېره مرسته وکړه چې دا د پام وړ هدف يې وټاکي. اکرام په ۶۶ توپونو ۵۸ منډې جوړې کړې
د ارون جيټلي دې لوبغالي پر پېچ د انګلنډ سپېن یا ورو توپ اچوونکو سره مرسته وکړه نه یواځې د منډو مخه یې ونیوله بلکې سپېن توپ اچوونکي عادل رشید درې لوبغاړي وسوځول.
د انګلنډ لوبډلې لوبه
د انګلنډ جو روټ څلور کچونه واخیستل، دافغانستان له لوري رحمان الله ګوربز په ۵۷ توپونو د ۸۰ منډو له جوړولو وروسته وسوځېد.
کله چې د انګلنډ ټیم لوبغالي ته راغی، پیل یې ښه نه و او لومړنی لوبغاړی یې په درې منډو د فضل حق فاروقي په توپ په دویم اور کې وسوځېد. انګلنډ دویم لوبغاړي په ۳۳ منډو له لاسه ورکړ.
نور ولولئ: کرکټ نړیوال جام؛ انګلنډ، بنګلهدیش ته ماته کړه
د افغانستان له لوري مجیب الرحمان او راشد خان درې درې لوبغاړی وسوځول، محمد نبي، دوه لوبغاړي وسوځول.
د انګلنډ لپاره هري بروک تر ټولو زیاتې یعنې ۶۶ مڼدې جوړې کړې چې د مجیب الرحمان په توپ وسوځېد.
انګلنډ چې په نړیوال جام کې له خپلې اتلولۍ دفاع کوي، د روان جام لومړنۍ لوبه کې یې له نیوزیلینډ ماتې وخوړله. خو له دې څو ورځې وروسته یې له بنګله دېش په لوی توپير سره سیالي وګټله.