طالبانود مزاکراتو پيل کې د اوربند هیله مندي ښودلې .د بین الافغاني مزاکراتود پیلېدو په درشل کې د طالب جنګیالیو جګړې او تاوتریخوالۍ لا هم شته او د هېواد په بېلاپېلو برخو کې د جنګ له امله ملکې وګړي او نظامیان لا هم وژل کیږي.
خو بلخوا بیا په قطر کې د طالبانو مرکچي پلاوي ویلي، کوشش کوي اوربند ته لار هواره کړي دوحه کې د طالبانو د فرهنګي کمېسیون معاون او د طالبانو د مرکچي پلاوي غړي ملا احمدالله وثیق اوربند ته په اشارې ویلي، چې اوس مهال د جګړې په درشل کې د افغانانو تر ټولو مهمه غوښتنه د اوربند ، چې ډېره مهمه مسله هم ده، خو دا چې اوربند به دایمي شي یا ټینګ شي که نه،دا بهد خپلمنځي مزاکراتو د اجنډا تر ټولومهم جز وي.
نوموړي په یوه مرکه کې ویلي، چې په هپل پوره توان کوشش کوي چې د جوړجاړي له لار په افغانستان کې دایمي اوربند ته لار هواره کړي.د بین الافغاني خبرې پرون شنبه سپټمبر ١٣مه د دوحې په پلازمېنېکې دامریکایي او نورو بهرنیو چارواکو او استازو او یو شمېر هېوادونو بهرنیو چارو په حضور کې د افغان حکومت او طالبانو د مرکچي پلاوي تر منځ د افتتاحیه غونډې په ترڅ کې پېل شوې.
د هېواد ملي مصالحې شورا مشر ډاکټر عبدالله عبدالله چې د پلاوي مشري پر غاړه لري، ویلي دوی به له طالب پلاوي سره لومړی پر اوربند خبرې کوي او پر اوربند له سلا کېدو وروسته پر نورو مهمو مسایلو بحث او توفق وکړي. ښاغلي عبدالله وویل چې دا به یو تاریخي کړنه وي چې طالبان دایمي اوربند ته اماده شي. همداراز عبدالله عبدالله ویلي، د افغانستان جګړه ٤٠ کالنه ده او دومره اوږده جګړه د دوو یا درې ورځو کې د حل مسله نده دې خبروکې باید ډېر دقت وشي او د یو سیاسي جوړ جاړي له لارې سره سولې ته ورسیږي.
ډاکټر عبدالله چې تېرهورځ ېې په قطر کې له خبریالانو سره لیدنه درلوده او د خبریالانو پوښتنې یې ور ځوابولې ټینګار وکړ، چې د جګړې له لارې هېڅکله سولې ته نشو رسېدۍ ، د تاوتریخوالي کمښت او د اوربند رامنځته کېدل د افغان ولس غوښتنه ده او دا په ډاډ وایم چې اوربند به کيږي او د دواړو لوریو د بحث لومړۍ موضوع هم اوربند دی.
نوموړي وویل چې د ناستې په ځای کې د بهرنیانو حضور نه مني، خو که اړتیا وه، په هغه صورت کې به بهرنیانو ته د حضور اجازه ورکوي.څکه دا زمونږ د افغانانو خپلمځي مسله ده او دواړه لورې باید نورې نړۍ ته وښايي چې مونږ متحد یو او کولۍ شو چې خپلو منځو کې دایمي سولې او یو سیاسي جوړ جاړي ته ورسېږو.
