پخواني ولسمشر کرزي یو ځل بیا له طالبانو غوښتي چې د ښځو او نجونو پرمخ د زده کړو دروازې پرانیزي
سره له دې چې افغان ملت، افغان سیاسي مشران او نړیوال بنسټونه له طالبانو د نجونو د ښوونځیو او پوهنتونونو د دروازو پرانیستل غواړي، خو طالبانو د دریو کالو په تېرېدو لا دغه غوښتنه نه ده منلې.
د افغانستان پخواني ولسمشر د کوچني اختر په مناسبت پیغام کې ویلي، چې د هېواد ابا
دي او پرمختګ له تعلیم پرته ناشونی دی.
نوموړي یوځل بیا پر طالبانو غږ کړی، چې د نجونو لپاره دې د ښوونځیو او پوهنتونونو دروازې خلاصې کړي.
زده کړو ته د اساسي پاملرنې غوښتنه
د افغانستان پخواني ولسمشر حامد کرزي پر خپله اېکس پاڼه د کوچني اختر په مناسبت خپاره شوي پیغام کې د نجونو لپاره د ښوونځیو او پوهنتونونو د پرانېستلو غوښتنه کړې.
نور ولولئ: افغانستان کې د افغان نجونو د روباټیک ټیم همکاران نیول شوي
نور ولولئ: له ښوونځو د افغان نجونو راګرځول؛ اوس یې مدرسو ته مخه کړې ده
نوموړی غوښتنه کوي، چې د نجونو او هلکانو زدهکړو ته دې اساسي پاملرنه وشي او ژر تر ژره دې د نجونو لپاره د ښوونځیو او پوهنتونو دروازې پرانیستل شي.
نوموړي په خپل دغه پیغام کې ویلي، د هېواد پرمختګ او ابادي له تعلیم پرته ناممکنه ده.
په دې اړه د طالبانو د رژیم بې غوري
د افغانستان د پخواني ولسمشر حامد کرزي په ګډون نړۍوالې ټولنې، ګڼو هېوادونو او افغانانو په یوه خوله په ځلونو له طالبانو زدهکړو ته د نجونو د اجازې ورکولو غوښتنې کړې؛ خو تر دې مهاله دغه ډله مېلینونو نجونو ته د زدهکړو د اجازې ورکولو په اړه چوپ پاتې دي او هره پلا یې په دې برخه کې خلکو ته دروغ ویلي.
د طالبانو امیر شیخ هیبت الله اخوندزاده هم په خپل اختریز پیغام کې ویلي چې د هلکانو زده کړو ته به پاملرنه ډېرېږي، خو د نجونو د زده کړو په اړه یې په اختریز پیغام کې هېڅ اشاره نه ده کړي.
طالبانو له راتګ مخکې په دوحه له نړیوالو سره منلې وه چې دوی به د نجونو د زده کړو مانع نه ګرځي، خو کله چې واک ته ورسېدل، نو د نجونو پر مخ یې د زده کړو دروازې وتړلې.
طالبانو د ټولو اسلامي هېوادونو او نړۍ خلاف روان دي. خلک وايي، ټوله نړۍ نجونو ته د زده کړو حقوق ورکوي، خو طالبان ولې له ولس دغه حقوق اخلي.
د یادونې وړ ده چې ډېری هېوادوال د لوڼو د زده کړو په خاطر له هېوادوه ووتل او نورو هېوادونو ته کډه شول.
