ماشومان څومره وخت انلاین وي او کومې ستونزې رامنځته کوي؟
اوس ماشومان د بل هر وخت پرتله ډېر وخت انلاین تېروي، چې د ملګرو ملتونو د شمېرو له مخې هره نیمه ثانیه وروسته یو ماشوم انټرنېټ ته لاسرسی مومي.
شمېرې ښيي چې په ۲۰۲۳ کال کې هغو ځوانو کسانو شمېر چې عمرونه یې د ۱۵ او ۲۴ کلونو تر منځ و، د انلاین اړیکو له مخکښانو وو، چې کچه یې د نړۍ نورو ۶۵ سلنه کسانو پرتله ۷۹ سلنه وه.
د ملګرو ملتونو ماشومانو ادارې یونېسف د شمېرو له مخې په ۳۰ هېوادونو کې د داسې ځوانو کسانو شمېر چې انلاین ځورول کېږي، د نورو ځوانانو پرتله درې برابره و او له دې هرو پنځو ځوانانو یو داسې و، چې له همدې کبله یې ښوونځی پرې ایښی.
انلاین کرکجنې صحنې
پر ډیجیټل پاڼو کرکجنې څرګندونې، د توطئې مفکوره، ناسم معلومات، له تاو تریخوالي ډکه محتوا او د سخت دریځو ډلو له لوري جلب هم داسې څه دي، چې اندېښنې پاروي.
نور ولولئ: څوک څنګه بریالی مالي مدیر کېدلی شي؟
نور ولولئ: ۲۰۲۳ کې څنګه ټیک ټاک د بازارموندنې لپاره وکاروو؟
د ملګرو ملتونو دغه ادار وايي: ”تر ټولو زیاته خطرناکه خبره د انلاین جنسي ناوړه ګټې اخیستنې او رسوایۍ موضوع ده.”
دغې ادارې په ۲۵ هېوادونو کې د اتیا سلنه داسې ماشومانو یادونه کړې، چې جنسي ناوړه ګټې اخیستنې یا ځورول کېدو له احتمالي خطر سره مخامخ دي.
څه ډول کنټرول موندل کېږي؟
د نامناسبې محتوا کنټرول د شته فلټرونو او وسائلو د شتوالي تر څنګ څېړنې ښيي چې د کورنیو لویان دغسې فلټرونه ډېر نه کاروي.
د نړیوالو ماشومانو په نامه یوه سروې ښيي چې کلتوري توپیرونه هم شته. د بېلګې په توګه دوی د شتمنو اروپايي او سویلي امریکايي هېوادونو او بیا ګهانا، فیلپین یا سویلي امریکا تر منځ د فلټري محدودیتونو خبره کوي.
په هغو هېوادونو کې چې سروې شوې ایله درې سلنه داسې لویان شته، چې د خپلو کورنیو ماشومانو پر ګرځنده ټیلیفونونو یې فلټرونه لګولي دي.
دا په داسې حال کې ده، چې په بریتانیا کې د انټرنېټ میټرز په نامه کمپنۍ د کنټرول داسې وسائلو یو نوملړ او د ګام پر ګام لارښود هم لري چې د کورنیو لویان یې د کوچنیانو لپاره کارولی شي.
د څار دغه وسائل د فېسبوک مسینجر ته هم لګول کېدای شي او د ټېک ټاک خواله رسنۍ مسوولین بیا وايي، د کورنیو تر منځ د تړاو لپاره د دوی پر پاڼو ځانګړې اله مېندو، پلرونو ته اختیار ورکوي چې که وغواړي د خپلو کم عمره اولادونو پاڼې شخصي کړي.
د انسټاګرام کنټرول وسائل بیا د هرې ورځې لپاره د ځانګړي وخت اجازه ورکوي، د وقفې لپاره ځانګړی وخت لري او د هغو پاڼو لیست ورکوي چې د دوی اولادونه یې رپوټ کوي.
