بنیامین نتنیاهو وايي، د یمن حوثيان د ایران د شرارت وروستی محور به هم له منځه لاړ شي
اسرائیلو تېره شپه په یمن کې د حوثیانو پر وروستیو او مهمو مرکزونو او بنسټونو هوايي بریدونه وکړ چې په دې کې د تېلو د راایستلو تاسیسات او نور اهداف شامل وو.
د اسرائیلو په بریدونو کې د وسلو د ډيپوګانو په نښه کول هم و چې د یمن حوثیانو به د اسرائیلو په مقابل کې ترې ګټه پورته کوله.
د نتنیاهو تازه څرګندونې
د اسرائیلو لومړي وزیر بنیامین نتانیاهو د یمن حوثيانو پر وړاندې له غچ اخیستونکي برید وروسته ویلي چې دا ډله د ایران د شرارت محور وروستی مټ دی.
نیویارک ټایمز پنجشنبه د ډېسمبر پر ۱۹مه راپور ورکړی چې نتانیاهو دا څرګندونې پر دغې ډلې د اسرائیلي پوځ له برید وروسته مطرح کړې دي.
د راپور پر بنسټ، اسرائیلي پوځ پنجشنبه سهار مهال پر اسرائیلو د حوثيانو د بریدونو په ځواب کې په یمن کې د دغې ډلې پر مرکزونو بریدونه کړي دي.
نور ولولئ: نتنیاهو: تر هغه جګړې ته دوام ورکوم تر څو چې ټاکلو موخو ته ورسېږم
نور ولولئ: نتنیاهو: تر هغه جګړې ته دوام ورکوم تر څو چې ټاکلو موخو ته ورسېږم
د اسرائیلو پوځ ویلي چې د یمن په لوېدیځ ساحل او دننه کې یې د هوايي بریدونو له لارې د حوثيانو پر مرکزونو بریدونه کړي دي.
د راپور پر نسټ، د دې بریدونو په پایله کې ۷ کسان د «سلف» په بندري ښار کې او دوه نور «راس عیسی» ته نږدې د نفتو په یو مرکز کې وژل شوی دی.
پر اسرائیلو د حوثیانو توغول شوي توغندي
د راپورونو له مخې، دا سیمې د یمن په لوېدیځ کې د حوثیانو تر کنټرول لاندې دي.
بل خوا د حوثي جنګیالیو اړوند «المسیره» ټلویزیوني شبکې راپور ورکړی چې دغې ډلې پر اسرائیلو برید کړی دی.
دغه ټلویزیوني چینل ادعا کړې چې په دې برید کې ۹ کسان وژل شوي دي.
له دې ادعا څو ساعته وروسته د اسرائیلو پوځ له یمن څخه د توغول شوي توغندي د شنډولو خبر ورکړی دی.
داسې انګېرل کېږي چې له حماس او حزبالله وروسته به دا ځل د تلابیب د برید هدف د یمن حوثي وسلهوال وي.
د یادونې وړ ده چې اسرائیلو په غزه، رفح او د فلسطین په نورو سیمو کې تر ټولو ډېر زیان ښځو، ماشومانو او بې وسلې کسانو ته اړولی چې له همدې امله د عدالت نړیوالې محکمې د نتنیاهو د نیولو حکم صادر کړ او نوموړی یې په جنګي جنایت تورن کړی دی.
