د ترکیې رسنۍ وايي، د ترکیې پولیسو ۳ افغان کډوال نیولي دي
اړوند مطالب:
اسلام اباد: دا ځل به د افغان کډوالو د ایستلو لړۍ په پراخه کچه پیل شي
منظور پشتین: ایران کې له افغان کډوالو سره نامناسب چلند غندو
د راپورونو پر بنسټ، د ترکیې پولیسو د دغه هېواد له بېلابېلو ښارونو څخه ۳۰ افغان کډوال نیولي دي.
ترکي رسنیو راپور ورکړی چې د دغه هېواد د بتلیس ښار پولیسو سهشنبه د مرغومې پر ۲۴، یو شمېر ناقانونه افغان کډوال نیولي دي.
بل خوا د ترکیې د سیواس او باليکسیر ښارونو پولیسو هم شپږ افغان کډوال نیولي او د ایستلو مرکزونو ته یې لېږدولي دي.
په راپور کې راغلي چې د ادرنه ښار پولیسو ۱۵ افغان او پاکستاني کډوال نیولي، خو دا څرګنده نه ده چې څو یې افغانان یې دي.
د يادونې ده چې د ترکيې پوليسو له څه مودې راهيسې د افغان کډوالو د نيولو او ایستلو لړۍ ګړندۍ کړې ده.
څه موده مخکې د ترکیې د کورنیو چارو وزارت راپور ورکړی و چې په یوه کال کې یې ۱۴۱ زره او ۱۸۷ ناقانونه کډوال ایستلي دي.
