غزني کې یوې کارولا موټر د ټکر له امله ۵ تنه مړه شوي دي
اړوند مطالب:
د کابل-کندهار لویې لارې ترافیکي پېښو کې ۱۲۰ کسانو ته مرګ ژوبله اوښتي ده
تخار: په ترافیکي پیښه کې ۱۳ کسان وژل شوي او ۵ نور ژوبل شوي
د غزني ولایت مرکز ته څېرمه د کابل-کندهار پر لویه لار د دوو موټرو د ټکر په ترڅ کې پنځه کسان مړه شوي دي.
د غزني لپاره د طالبانو امنیه قومندانۍ رسنیز دفتر پنجشنبه د مرغومې پر ۲۰مه په یوې خپره کړې خبرپاڼه کې لیکلي چې دا پېښه تېره شپه رامنځته شوې ده.
د خبرپاڼې له مخې، دا پېښه د غزني ولایت د اببند ولسوالۍ په «سپینبند» سیمه کې د چټکمزلي او باروړونکي موټرو د ټکر په ترڅ کې رامنځته شوې ده.
په خبرپاڼه کې راغلي چې مړي د غزني ولایتي روغتون ته لېږدول شوي دي.
د دې ترافیکي پېښې لامل د موټروانانو بېاحتیاطي او ترافیکي قوانینو ته نه پاملرنه ښودل شوی ده.
په دې وروستیو کې د کابل-کندهار پر لویه لار ترافیکي پیښې ډېرې شوې دي.
د سړکونو خرابوالی، د موټروانانو بېاحتیاطي او ترافیکي قوانینو ته نهپاملرنه بیا په افغانستان کې د ترافیکي پېښو لوی لاملونه ګڼل کېږي.
