اړوند خبرونه:
د افغانستان کانونه؛ قراردادونه یې شفاف او استخراج یې مسلکي نه دی
د افغانستان سرپل ولایت کې هره ورځ د ۹۰۰ټنه نفتو استخراج
د جاپان د نړیوالې همکارۍ ادارې (جایکا) په افغانستان کې د بېوزلۍ، د راستنېدونکو او داخلي بېځایه شویو او خوارځواکۍ سره د مبارزې په موخه د ملګرو ملتونو د خوړو له نړیوال پروګرام سره اووه میلیونه ډالره مرسته اعلان کړه.
د خوړو نړیوال پروګرام تېره ورځ( دوشنبه، د کب ۱۳مه) ویلي ، چې دغه مرسته افغانستان کې ۲۹۰ زره کسانو ته د بېړنیو خوراکي توکو د ورکړې، د خوارځواکۍ د مخنیوي، د راستنېدونکو او داخلي بېځایه شویو او ښوونځیو کې د خوراکي پروګرامونو د پیاوړتیا په برخو کې لګول کیږي.
د جاپان د نړیوالې همکارۍ ادارې (جایکا) همداراز ویلي چې د هېواد په ۱۳ ولایتونو کې بهد یو کال لپاره به د دې خلکو د ملاتړ لپاره له څه باندې شپږو میلیونو ډالره مصرف شي.
د دې پروژې هدف د راستنیدونکو او داخلي بې ځایه شویو خلکو د ژوند ښه کول دي چې د اسانتیاوو د جوړولو او د تجهیزاتو چمتو کولو له لارې په افغانستان کې د دې خلکو اقتصادي فعالیتونه او ځان بسیاینې پیاوړې کړي.
د جاپان د نړیوالې همکارۍ ادارې د هغو ولایتونو د مشخص کولو پرته چې دا پروژه به پکې پلي شي، ټینګار کړی چې دوی به د کرنې او څارویو پالنې، لاسي توکو او اوبدلو، او سوداګرۍ د ودې په برخو کې د پروژو له لارې د خلکو ملاتړ وکړي.
سازمان دا هم زیاته کړه چې د معیشت د ښه کولو، د بېوزلۍ کمولو او د جنسیت مساواتو د ودې لپاره پروژې به په مختلفو زیان منونکو سیمو کې پلي شي.
