اړوند خبر:
د پاکستان د بهرنیو چارو وزیر سبا شنبه افغانستان ته سفر کوي
د روسیې او پاکستان ګډ کاري ګروپ د افغانستان له خاورې د راټوکېدونکو تروریستي ګواښونو پر ضد د مبارزې ټینګار کړی دی.
د پاکستان د بهرنیو چارو وزارت د سهشنبې په ورځ، د ثور ۲مه، د روسیې سره د ګډ کاري ګروپ د غونډې د ترسره کېدو خبر ورکړی دی.
د دې خبر له مخې، دغه ناسته د پاکستان د بهرنیو چارو وزارت د ملګرو ملتونو چارو مرستیال وزیر او د روسیې د بهرنیو چارو وزارت مرستیال وزیر په ګډون ترسره شوې ده.
دا ناسته د نړیوال تروریزم د ګواښونو د ارزولو لپاره ترسره شوې وه.
په خبر کې راغلي: «دغه ناسته د تروریستي ډلو له خوا د رامنځته شویو ګډو ننګونو پر وړاندې د همکاریو د پیاوړتیا پر ټینګار پای ته ورسېده. دواړو خواوو باور درلود چې ګډې هڅې لا هم د سیمهییز او نړیوال ثبات د ساتلو لپاره اړینې دي.»
پاکستان تل ویلي چې تحریک طالبان پاکستان (TTP) د افغانستان له خاورې ددوی پرضد ګټه پورته کوي او له افغان طالبانو یې غوښتنه کړې چې د دې ډلې غړي اسلامآباد ته وسپاري.
طالبان، د TTP حضور په افغانستان کې ردوي.
