اړوند خبر:
د ایران سني مذهب امام عبدالحمید: له افغان کډوالو سره د ایران چلند نه زغمونکی دی
د ملګرو ملتونو د کډوالۍ نړیوال سازمان (IOM) وايي چې د دغه سازمان چارواکو افغانستان ته سفر کړی دی.
د یاد سازمان په خبرپاڼه کې ویل شوي چې د دوی د دفتر رییس او سیمهییز مشر د کډوالو ستونزو ته د رسېدنې په موخه افغانستان ته تللي دي.
د کډوالۍ نړیوال سازمان همداراز په افغانستان کې د کډوالو وضعیت سخت خراب بللی او ټینګار یې کړی د دوی شریکان اوس په هرو لسو کسانو کې یو نفر سره د مرستې کولو توان لري.
د کډوالۍ نړیوال سازمان تر دې مخکې هم د راستنېدونکو افغان کډوالو د لاسنیوي لپاره د څه باندې ۵۰۰ میلیون ډالرو مرستې غوښتنه کړې وه.
دا په داسې حال کې ده چې له تېرو نږدې دوو میاشتو راهیسې له ایران څخه د افغانانو راستنېدل په بېسارې توګه زیات شوي دي او هره ورځ له ۲۰ تر ۳۰ افغانان هېواد ته راستنېږي.
بلخوا پاکستاني حکومت هم ویلي چې په یاد هېواد کې مېشت د پي او ار کارتلرونکي افغان کډوال به هم خپل هېواد ته ولېږي.
