په د قطر نندارتون کې د افغانستان هنر، تاریخ او کلتور نندارې ته وړاندې شول. په دې نندارتون کې د افغانستان ۵ زره کلن تاریخ او ۱۵۰ تاریخي اثار د مینه والو پر مخ ایښودل شوي دي.
د قطر هېواد په پلازمېنه دوحه کې د افغانستان د بډایه تاریخ، هنر او کلتور د معرفي کولو په موخه یو ځانګړی نندارتون پرانیستل شو. د قطر نندارتون چې د «د رڼا امپراتورۍ: د افغانستان لیدونه او غږونه» تر سرلیک لاندې جوړ شوی، د نړۍ د کلتوري مینه والو پام ځانته اړولی دی.
د قطر نندارتون، د نندارتون پرانیسته او تنظیموونکي
د قطر د خبري اژانس د راپور له مخې، دغه نندارتون د قطر د اسلامي هنر موزیم او د اغاخان د کلتور بنسټ په ګډه همکارۍ تنظیم کړی دی. دغه د قطر نندارتون په رسمي ډول د قطر د موزیمونو د مشرې، شیخه الماسه بنت حمد بن خلیفه الثاني له لوري پرانیستل شو. په دې مراسمو کې د شهزاده علي محمد اغاخان او شیخه ناصر النصر په ګډون ګڼو لوړ پوړو چارواکو ګډون کړی و.
د قطر نندارتون، په نندارتون کې څه نندارې ته ایښودل شوي؟
په دغه نندارتون کې د افغانستان د ۵ زره کلن تاریخ بېلابېل اړخونه د هنر او کلتور په ژبه بیان شوي دي.
تاریخي اثار: نږدې ۱۵۰ تاریخي او هنري اثار پکې نندارې ته اېښودل شوي.
موضوع: دغه نندارتون د کلتورونو، مذهبونو او خلکو د څلور لارې په توګه په تاریخ کې د افغانستان مهم رول روښانه کوي.
تنظیموونکي: دغه اثار د نیکولیټا فازیو او توماس ډبلیو لینټز لخوا په خورا دقت سره تنظیم شوي دي.
د نندارتون نېټه او اهمیت
د قطر نندارتون به د فبروري له ۲مې څخه تر ۳۰ مې پورې د قطر د اسلامي هنر موزیم کې د نندارچیانو پر مخ پرانیستی وي. دا نندارتون د افغانستان د متحرک کلتوري میراثونو د سپړلو لپاره یو زرین چانس دی.
د مالوماتو له مخې، دا ډول نندارتونونه نه یوازې د افغانستان تاریخي ارزښت نړۍ ته ښیي، بلکې د هېواد د هنر او تمدن په اړه شته لیدلوري هم پیاوړي کوي. د “رڼا امپراتورۍ” نندارتون د افغانستان د تېرو پېړیو د هغو لاسته راوړنو کیسه کوي چې په سیمه او نړۍ کې یې کلتوري اغېزې شیندلي دي.
که تاسو د تاریخ او هنر مینه وال یاست، د قطر نندارتون د افغانستان د پنځه زره کلن تاریخ د لیدو لپاره یو بې ساري فرصت وړاندې کوي. دا نندارتون د دوحې په زړه کې د افغانستان رښتینی انځور، لیدونه او غږونه تر نړیوالو رسوي.
