ټاپي نللیکه کې ستونزې؛ د ترکمنستان، افغانستان، پاکستان او هند ترمنځ د طبیعي ګازو د لېږد ستره پروژه، یعنې ټاپي نللیکه، له څو لسیزو راهیسې د سیمې له مهمو اقتصادي پروژو څخه ګڼل کېږي. خو تازه راپورونه ښيي چې د کار له دوام سره سره لا هم ټاپي نللیکه کې ستونزې په بشپړ ډول نه دي هوارې شوې.
د اویل پرایس ویبپاڼې د راپور له مخې، افغان او ترکمن چارواکي د پروژې د پرمختګ خبر ورکوي، خو خپلواک معلومات ښيي چې د کار د چټکتیا او عملي پرمختګ په اړه لا هم ګڼې پوښتنې شته.
د ټاپي پروژې د کار بهیر څومره پرمختګ کړی؟
د راپور له مخې، د پروژې لومړۍ برخه، چې د ترکمنستان له سرحدي ښار سرحداباد څخه د افغانستان تر هرات پورې غځېدلې، ۱۵۳ کیلومتره اوږدوالی لري او د جوړولو چارې یې روانې دي.
د ترکمنستان ملي مشر قربانقلي بردي محمدوف د اګست په ۱۰مه افغانستان ته سفر وکړ او له افغان چارواکو سره یې د ټاپي پروژې د چټکتیا او د اقتصادي همکاریو د پراختیا په اړه خبرې وکړې.
ترکمن چارواکي وايي چې د افغانستان په برخه کې د پروژې پر کارونو سلګونه متخصصان او ځانګړي ماشینونه بوخت دي، خو د اویل پرایس راپور ټینګار کوي چې ټاپي نللیکه کې ستونزې لا هم د پروژې پر راتلونکي اغېز کولی شي.
ټاپي نللیکه کې ستونزې؛ هرات ته د ګازو رسولو هوکړه ولې لا بشپړه نه ده؟
د بردي محمدوف د سفر پر مهال هرات ښار ته د ترکمنستان د ګازو د رسولو لپاره یو لومړنی تفاهم لاسلیک شو، خو د راپور له مخې، د ګازو د بیې، د صادراتو د کچې او نورو سوداګریزو شرایطو په اړه وروستۍ هوکړه لا نه ده شوې.
د طالبانو د حکومت اقتصادي مرستیال ملا عبدالغني برادر هم له ترکمنستان څخه غوښتي چې د ګازو د بیې په اړه خبرې ژر بشپړې کړي.
ټاپي نللیکه کې ستونزې؛ ټاپي نللیکه کې ستونزې کومې دي؟
کارپوهان باور لري چې د پروژې د بشپړېدو لپاره تخنیکي، مالي او سوداګریز خنډونه لا هم موجود دي.
د راپور له مخې، د برېښنا د لېږد کرښه، د نوري فایبر پروژه او د سوداګریزو اړیکو پراختیا هم د دواړو هېوادونو د خبرو مهمې برخې وې، خو د دغو پروژو د عملي کېدو لپاره کومه نوې او وروستۍ هوکړه نه ده اعلان شوې.
له بلې خوا، د پروژې د پرمختګ په اړه د خپلواکو معلوماتو کمښت هم هغه لامل دی چې د ټاپي نللیکه کې ستونزې تر اوسه د بحث موضوع پاتې شوې دي.
سره له دې، افغان چارواکو اعلان کړی چې د افغانستان په خاوره کې د ټاپي نللیکې ۱۱۶ کیلومتره برخه بشپړه شوې او تمه کېږي چې د ۲۰۲۶ کال تر پایه به هرات ښار ته ورسېږي.
خو د اویل پرایس د ارزونې له مخې، تر هغه چې تخنیکي او سوداګریز خنډونه له منځه نه وي تللي، ټاپي نللیکه کې ستونزې به د دې سترې سیمهییزې پروژې پر راتلونکي اغېز ولري.
