افغان ابدالیان کرکټ لوبډلې جاپان ته ۴۸ منډې ماتې ورکړه

افغان ابدالیان کرکټ لوبډله د اسیايي سیالیو په لومړۍ لوبه کې کوربه جاپان ته په ۴۸ منډو ماتې ورکړه او سیالۍ یې په بریا پیل کړې.

د افغانستان کرکټ بورډ د معلوماتو له مخې، دغه لوبه د پنجشنبې په ورځ، د سپټمبر په ۲۴مه، په جاپان کې ترسره شوه.

د کرکټ دې لوبډلې لومړۍ پاڼۍ کې د شپږو لوبغاړو په زیان ۱۲۹ منډې وکړې او جاپان ته یې د ۱۳۰ منډو هدف وټاکه.

افغان ابدالیان کرکټ لوبډله؛ د توپ‌وهنې مهمې منډې

د افغانستان لپاره محمد اکرم ۳۴ منډې، لوبډلمشر دروېش رسولي ۲۹ منډې، محمد اسحاق ۲۵ ناسوځېدلې منډې او کریم جنت ۲۱ منډې وکړې.

د جاپان لوبډلې د هدف په تعقیب کې ښه پیل ونه کړ او په ۱۹ اورونو کې د ټولو لوبغاړو له لاسه ورکولو سره یوازې ۸۰ منډې وکړې.

افغان ابدالیان کرکټ لوبډله د اسیايي سیالیو په بریا پیلوي

افغان ابدالیان کرکټ لوبډلې د جاپان پر وړاندې د ۴۸ منډو بریا خپله کړه او په دې سره یې په اسیايي سیالیو کې خپل سفر په بریا پیل کړ.

جاپان د دغو سیالیو کوربه هېواد دی.