کونړ کې روغتیايي مرکز ته د ۷ میلیونه افغانیو په لګښت نوې ودانۍ جوړه او ګټې اخیستنې ته وسپارل شوه؛ چارواکي وايي، شاوخوا ۳ زره کسان به ترې روغتیايي خدمتونه ترلاسه کړي.
د سرکاڼو ولسوالۍ روغتیايي مرکز ته نوې ودانۍ جوړه شوه
د کونړ ولایت په سرکاڼو ولسوالۍ کې یوه روغتیايي مرکز ته د ۷ میلیونه افغانیو په لګښت نوې ودانۍ جوړه او ګټې اخیستنې ته وسپارل شوه.
د باختر خبري اژانس د راپور له مخې، کونړ کې روغتیايي مرکز د سرکاڼو ولسوالۍ په ګنجګل سیمه کې موقعیت لري او نوې ودانۍ یې د یو شمېر اسیایي او اروپایي هېوادونو په مالي ملاتړ جوړه شوې ده.
چارواکي وايي، د دې مرکز په فعالېدو سره به د سیمې شاوخوا ۳ زره اوسېدونکي روغتیايي خدمتونو ته لاسرسی پیدا کړي.
د کونړ د عامې روغتیا رئیس قاري مظفر مخلص د ودانۍ د پرانیستې پر مهال ویلي، هڅه کېږي چې د ولایت په لرو پرتو او محرومو سیمو کې روغتیايي خدمتونه پراخ شي.
لرو پرتو سیمو کې د روغتیايي خدمتونو پراختیا
د چارواکو په وینا، کونړ کې روغتیايي مرکز ته د نوې ودانۍ جوړېدل د سیمې اوسېدونکو ته روغتیايي خدمتونو ته د لاسرسي په برخه کې اسانتیا رامنځته کوي.
د کونړ مرستیال والي مولوي عبدالله حقاني هم د مرکز د پرانیستې پر مهال ویلي چې د خلکو لپاره د خدمتونو او رغنیزو پروژو د پراختیا هڅې روانې دي.
د چارواکو په خبره، کونړ کې روغتیايي مرکز به د سرکاڼو ولسوالۍ د ګنجګل سیمې زرګونو اوسېدونکو ته د روغتیايي خدمتونو د وړاندې کولو زمینه برابره کړي.
