ولسي جرګه: د عبدالله په مشرۍ دسولې مزاکراتو ملاتړ کوو داسې حال کې چې د بودیجې د نه تصویبولو له امله د ولسي جرګې او ارګ تر مابین ستونزې راولاړه شوې ده، د ولسي جرګې غړي وایي، دوی د پخلاینې د عالي شورا مشر ډاکټر عبدالله په مشرۍ د سولې له پروسې ملاتړ کوي.
د ملي مصالحې عالي شورا له ادرسه په نشر شوې وېبپانه کې راغلي، چې د پارلمان د مرستیال میرزا محمد کټوازي په مشرۍ د پارلمان یو شمېر غړي د ډاکټر ه عبدالله لیدنې ته ورغلي او نوموړي ته یې ډاډ ورکړی، چې ولسي جرګه د سولې خبرو ملاتړي دي.خبرپاڼه کې وړاندې راغلي پدې لیدنه کې د ولسي جرګې مرستیال میرزا محمد کټوازي او وکیلانو د ملي مصالحې عالي شورا د رییس جلالتماب ډاکټرعبدالله عبدالله په مشرۍ د سولې له پروسې بشپړ ملاتړ اعلان کړ
دويي وویل پدې برخه کې هر ډول کومک ته تیار دي.په دې ملاقات کې ډاکټر عبدلله او د ولسي جرګې ټیم د یادې جرګې او ولسمشری تر منځ په راپارېدلي ستونزو هم خبرې کړي دي او د ولسي جرګې پلاوي له عبدالله عبدالله غوښتي، چې په دې برخه کې مداخله وکړي او د دولت د دوو مهمو ارکانو تر منځ جوړه وکړي.
ډاکټر عبدالله هم ملي وحدت اړین وباله او اندېښنه یې ښودلې چې د ولسي جرګې او حکومت تر منځ ستونزې ننګوونکې دي او باید په تفاهم سره حل ته ورسیږي.د ولسي جرګې د غړو او ډاکټر عبدالله تر منځ لیدنه داسې مهال ده، چې په دې وروستیو کې د حکومت له لوري د ۱۴۰۰ مالي کال بودیجه دوه ځله د ولسي جرګې له لوري رد شوې ده
خو اوس د دریم وار لپاره بیا وړاندې شوې خو وکیلان وایي، ددوی غوښتنې نه دي منل شوي او ښایي بودیجه بیا ځلې رد شي.خو نن له غرمې مښکې د مالیې وزیر یو مطبوعاتي کنفرانس کې وویل که بودیجه بیا وارې رد شي نږ دا به مشکلات رامنځته کړي. او مامورینو معاشونه به نور هم وځنډیږي.
