ولسمشر محمد اشرف غني پرون مازدیګر د سعودي عربستان پاچا خادم الحرمین الشریفین اعلیحضرت ملک سلمان بن عبدالعزیز سره ټلیفوني خبرې وکړې. دواړو مشرانو مختلف وضوعات د بحث لاندې راوستل.
دواړو تر منځ خبرو کې د افغانستان او سعودي عربستان ترمنځ اړیکو، د افغانستان سولې پروسې او سیمه ییزو مسایلو په اړه خبرې وکړې.په دغه ټلیفوني مکالمه کې خادم الحرمین الشریفین وویل، د سعودي عربستان علما او شخصا زه په افغانستان کې د سولې د تامین او تحکیم جدي ملاتړ کوو. هغه زیاته کړه، هیله لرم وضعیت ښه او په راتلونکي کې له نږدې ووینو او پر دغو مسایلو لازیات بحث وکړو.
اعلیحضرت ملک سلمان بن عبدالعزیز وویل، د سولې د تامین په موخه د افغانستان د جمهوررئیس په توګه ستاسې مدبرانه رول او رهبري، ډېره مهمه ده.هغه زیاته کړه، موږ د دوه اړخیزو اړیکو پراختیا ته ژمن یوو او د دواړو هیوادونو ترمنځ د ترسره شویو هوکړو تطبیق د دغو اړیکو د لاژورتیا لپاره زیات مهم دی.
په پای کې جمهوررئیس غني له افغانستان سره په بېلابېلو برخو کې د سعودي عربستان د مرستو او همکاریو په ځانګړي ډول د سولې د تامین لپاره د خادم الحرمین الشریفین د هڅو قدرداني وکړه نوموړی وویل عربستان همېشه د افغان عوامو سره تر څنګ ولړ دی.
باید یاده کړو چې سعودي عربستان د افغانستان سوله کې مثبت کردار ادا کړی او همېشه ېې غوښتي دي چې افغان عوام دې په سوله او امن کې ژوند وکړي.عربستان اوسمهال هم هڅه کوي چې د خپل توان او وس مطابق سولې برخه کې همکاري وکړي.
