طالبان: ډېر ژر به د ټول شموه اسلامي حکومت شاهدان اووسو
![مطبوعاتی کانفرانس](https://afghannow.net/wp-content/uploads/2021/07/طالبانو-مطبوعاتی-کانفرانس-.png)
طالبان وايي، په افغانستان کې د راتلونکي نظام د جوړېدو په اړه له یوشمېر افغان سیاستوالانو سره خبرې کوي او یو پلاوی له کابله دوحې ته ځي.تر څو یو نتیجې ته ورسېږو.
په قطر کې د دې ډلې د سیاسي دفتر ویاند ښاغلی محمد نعیم وویل، پلاوی به یې ژر دوحې ته ولاړ شي خو کله به ځي، نوموړي یې نېټه و نه ښودله.خو بلخوا د اګست پر ۱۵مه نېټه د طالبانو د ارشاد او دعوت کمېشن مشر امیر خان متقي ویلي دي، د واک لېږد روښانه دی او راتلونکی نظام د هغه چا دی چې اوس پر ټول وطن افغانستان حاکم دي.
![fb img 1629167681551](https://afghannow.net/wp-content/uploads/2021/08/fb-img-1629167681551.jpg)
خو د هغه تر خبرو وروسته په قطر کې د دې ډلې یوه بل غړي سهیل شاهین په یکشنبه اسوشیېټېډ پرېس ته وویل، د ټول ګډونه اسلامي حکومت د جوړېدو لپاره خبرې پیلوي.ده زیاته کړې، د واک د انحصار فکر کې نهدي او د یوه ټولګډونه، اسلامي حکومت د جوړولو لپاره له ټولو افغاني جهتونو سره خبرې پیلوي.
خو له افغانستان تر اوسه د دې خبرو د پخلي خبره یوازې پخواني ولسمشر حامد کرزي کړې ده.هغه بېګا شپه بيبيسي ته وویل، له طالبانو سره د راتلونکي نظام د جوړېدو په اړه د خبرو لپاره دوحې ته ځي.کرزي زیاته کړه، زلمي خلیلزاد ده ته ټیلیفون کړی او ترې یې غوښتي چې له طالبانو سره د خبرو لپاره قطر ته سفر وکړي.
هغه ونهویل چې دا سفر به کله وشي، خو ټینګار یې وکړ چې له طالب مشرانو سره د سولې او امنیت د راتلو لپاره اړیکه کې دی.بل پلو د افغانستان یوشمېر سیاستوال لکه محمد یونس قانوني، محمد کریم خلیلي، صلاحالدین رباني، احمد ضیا مسعود، احمد ولي مسعود، لطیف پدرام، خالد نور چې د اګست پر ۱۵مه پاکستان ته تللي ول، نن یې د هغه ملک د بهرنیو چارو وزیر شاه محمود قریشي سره ولیدل.