اړوند خبرونه:
د طالبانو اعلامیه: د هند او پاکستان تر منځ زیاتېدونکی کړکېچ د اندېښنې وړ دی
هند پر پاکستان د «سندور» عملیات پیل او ۹ سیمې یې په نښه کړي
مجاهد اسلام اباد ته؛ ژر تر ژره د داعش ډلې مشران کابل ته وسپارئ
داسې ټاکل شوې چې افغانستان او پاکستان د اوربند پر غځېدو په دوحه کې خبرې وکړي
په داسي حال کې چې د افغانستان او پاکستان ترمنځ د ۴۸ ساعت اوربند وخت نن پای ته رسېږي، راپورونه وايي چې د دواړو خواوو ترمنځ به نن یا سبا د قطر په پلازمېنه دوحه کې د اوربند پر غځېدو خبرې وشي.
باوري سرچینو تاند ته وویل چې دواړو خواوو د خبرو پیلولو ته لېوالتیا ښوولې او غواړي چې د اوربند پر اوږدولو خبرې وکړي.
دا پرمختګ له دې سره سره شوی چې پرون د پاکستان دفاع وزیر خواجه اصف د خپل هیواد رسنیو ته وویل چې د دوو هیوادونو ترمنځ ۴۸ ساعته اوربند ښايي ډېر دوام ونه کړي.
له بلې خوا د پاکستان صدراعظم شهباز شریف، وروسته له دې چې بې الوتکو یې د جهارشنبې په ورځ په کابل او سپین بولدک کې د ملکي افغانانو ژوند او شتمنیو ته زیانونه واړول، پرون (پنجشنبې) د پاکستان صدراعظم خبرداری ورکړ چې که طالبان د شخړې «حل» غواړي، نو په ۴۸ ساعتونو کې دې د اسلام آباد غوښتنې ومني.
شهبازشریف د کابینې غونډې ته د وینا پرمهال وویل چې د دایمي اوربند لپاره توپ اوس د افغانستان په میدان کې دی. هغه ټینګار وکړ چې پاکستاني طالبان باید له منځه یوړل شي او وسله وال یې باید د افغان خاوره ونه کاروي.
پاکستان فکر کوي چې د هوايي ځواک برتري لري او په وسیله یې د افغانستان پر هر ځای برید کولی شی.
د پاکستان له لوري د چهارشنبې د ورځې په بریدونو کې یوازې په سپین بولدک کې ۴۰ تنه عام وګړي وژل شوي دي.
