سیاست

افغانستان کې د روزا اوتنبایوا د ماموریت پای

د ملګرو ملتونو د سرمنشي ځانګړې استازې، روزا اتنبایوا پرون جمعه د ا.ا له ځینو چارواکو سره د مخې‌ښې په لیدنه کې په افغانستان کې خپل ماموریت رسماً پایته رسولی دی.

مېرمن اوتنبایوا پرون د کډوالو او راستنېدونکو چارو له وزیر، مولوي عبدالکبیر سره د مخې‌ښې لیدنه کړې ده.

د اسلامي امارت وزیر د افغانستان لپاره د ملګرو ملتونو د سرمنشي د ځانګړې استازې د هڅو ستاینه وکړه او میرمن اوتونبایوا هم د زلزلې قربانیانو سره د مرستې په ګډون له افغانستان سره د بشري مرستو په اړتیا ټینګار کړی دی.

د راپورونو له مخې، د ملګرو ملتونو امنیت شورا به د سپتمبر په میاشت کې د افغانستان په اړه یوه غونډه وکړي، او تمه کیږي چې روزا اوتونبایوا به په دې غونډه کې د افغانستان په اړه وروستی راپور وړاندې کړي.

مېرمن اوتونبایوا د ۲۰۲۲ کال په سپتمبر کې د ملګرو ملتونو د سرمنشي د ځانګړې استازې او په افغانستان کې د یوناما د مشرې په توګه وټاکل شوه. هغه مخکې له ۲۰۱۰ څخه تر ۲۰۱۱ پورې د قرغزستان ولسمشره وه.

د هغه ماموریت په داسې حال کې پای ته رسیږي چې افغانستان لا هم د پراخې بې وزلۍ او د کډوالۍ له بحران سره لاس او ګریوان دی.

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button