امریکا او اسلامي امارت یو بل د دوحې د هوکړه لیک پر سرغړونې تورن وي

ځړول شوی:اگست 3, 2022 لخوا ځړول شوی:مسعود تبصرې:0

له هغې وروسته کله چې د امریکا ولسمشر په کابل کې د دغه هېواد د بې پيلوټه الوتکو په برید کې د القاعده شبکې د مشر ایمن الظواهري د وژل کېدو خبر ورکړ، کابل او واشنګټن یو بل د دوحې له هوکړې په سرغړونې تورن کړل

د امریکا د بهرنیو چارو وزارت ادعا کوي چې طالبانو د دوحې له تړون څخه سرغړونه کړې ده

د امریکا د بهرنیو چارو وزارت ادعا کوي چې طالبانو کابل کې د القاعده مشر ته د پناه له ورکړې سره د دوحې له هوکړه لیکه سرغړونه کړې او دغه کار د اسلامي امارت د سرپرست حکومت د رسمیت پېژندلو لپاره د نړۍ لېوالتیا کمه کړې ده

الظواهري ته په کابل کې پناه ورکړل شوه

د دې ټول سره سره کابل تراوسه د ایمن الظواهري د وژنې په هکله څه نه دي ویلي؛ خو واشنګټن وايي چې الظواهري ته په کابل کې پناه ورکړل شوې وه او په یوه هوايي برید کې ووژل شو

د امریکا د بهرنیو چارو وزیر انتوني بلینکن وايي:«طالبانو په کابل کې د القاعدې د مشر په کوربتوب او هغه ته په پناه ورکولو، له یوې خوا د دوحې له هوکړه لیکه سرغړونه کړې او له بله پلوه هغه ډاډ ته چې نړیوالو ته یې د ترهګرو ډلو له خوا د افغانستان خاورې د نه کارولو په هکله ورکړې ورکړی و هم زیان رسولی او دوی د افغانستان له خلکو او د رسمیت پېژندلو او له نړیوالې ټولنې سره د اړیکو د عادي کولو لپاره له خپلې لېوالتیا سره هم خیانت وکړ

نور یی ولوله | د سي پیک پروزه تر افغانستان پورې غځول کیږي

نور یی ولوله | د ځمکې چټکې تاوېدنې د کوچنۍ ورځې نوی ریکارډ جوړ کړ

له دې سره جوخت د اسلامي امارت ویاند ذبیح الله مجاهد هم په کابل کې د امریکا د بې پیلوټه الوتکو برید د امریکا له خوا له نړیوالو اصولو او د دوحې له هوکړې څرګنده سرغړونه بولي. ښاغلي مجاهد وویل:«دا برید له نړیوالو اصولو او د دوحې له موافقې څرګنده سرغړونه ده، دا ډول اعمال د تېرو شل کلنو ناکامو تجربو تکرار دی او د امریکا، افغانستان او سیمې د ګټو خلاف عمل دی. ددغه راز کړنو تکرار شته فرصتونو ته زیان رسوي.

د سیاسي چارو کارپوه محمد ناصر حقاني هم په دې هکله وايي:«امریکا د وتلو په وخت کې حتا د هوايي ډګر رادار خراب کړ چې له دا ډول بریدونو یې مخنیوی ونه شي او دا برید په افغانستان کې د امریکا په څرګنده سرغړونه ده. د سیاسي چارو کارپوه سید اکبر آغا هم څرګندوي:«په هر هغه څیز چې د دوحې په هوکړه لیک کې پرې ژمنه شوې وه، امریکا باید ورته ژمنه وای؛ خو دا برید ښيي چې امریکا په خپله د دوحې له هوکړې سرغړونه کړې ده

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.