امریکا د روسیې د یو سایبري مجرم په سر ۱۰ میلیون ډالر جایزه اعلان کړه

ځړول شوی:مې 4, 2023 لخوا ځړول شوی:مسعود تبصرې:0

د امریکا د متحدو ایالتونو د بهرنیو چارو وزارت اعلان وکړ چې د هغو مالوماتو په بدل کې به ۱۰ میلیون ډالر انعام ورکوي چې د روسیې د یو سایبري مجرم نیولو او محکومیت ته لار پرانیزي

وزارت همدغه راز د یوې منظمې جنايي ډلې د کلیدي مشرانو په اړه د مالوماتو په بدل کې هم جایزه اعلان کړې ده.

د بهرنیو چارو وزارت د سه شنبې په ورځ مۍ مياشتې په درېیمه نېټه چې د غويي مياشتې له ۱۳مې نيټې سره سمون خوري، په یوه اعلامیه کې د دغه روسي وګړي نوم دنیس ګنادیویچ کلکوف ښودل شوی دی.

نور ولولئ: استرالیا هڅه کوي د سایبري بریدونو په وړاندې خپله ټکنالوژي پیاوړې کړي

اعلامیه وايي چې دا جایزه د متحدو ایالتونو د عدلیې وزارت له لوري په کلکوف باندې د اعلان شویو تورونو په تړاو اعلان شوې ده، خو په اعلامیې کې په مشخص ډول د هغه د سایبري جرم په اړه څه نه دي ویل شوي.

د بهرنیو چارو وزارت همدغه راز د «Try2Check» په نامه د یوې منظمې جنايي (سایبري) ډلې د مهمو مشرانو په اړه د مالوماتو په بدل کې چې په اساس یې هغوی وپېژندل شي، تر یو میلیون ډالرو پورې جایزه اعلان کړې ده.

دا ډله د سایبري/انټرنټي جرمونو په نړۍ کې د کریډت کارتونو یو مشهور او څرګند خدماتي چوکاټ بلل کېږي

د «Try2Check» خپلو کاروونکو ته دا زمینه برابروي چې د غلا شوي کریډت کارت نمبر ژر مشخص کړي. په دغه سیستم کې کاروونکي په یو وخت کې زرګونه نمبرې داخلولای شي او سیستم ورته سمدستي وايي چې کوم نمبر د اعتبار وړ دی.

نور ولولئ: هکرانو افغانستان کی فیسبوک کارکونکی په نښه کړی

د متحدو ایالتونو ایالتونو د بهرنیو چارو وزارت په اعلامیې کې ویل شوي دي، چې «Try2Check» له ۲۰۱۳ ميلادي کال راهېسې هر کال د کریډټ کارتونو د لسګونه میلیون ډالرو د غلا زمینه برابره کړې ده.

دا لومړی ځل دی چې امريکا په يوه روسي مجرم دومره ډېر انعام ټاکل او د نيولو لپاره يې هلې ځلې کوي.

د امريکا متحده ايالاتو په تېرو ټاکنو کې هم ځينې داسې راپورنه خپاره شول چې روسي سایبري هکرانو د هغه هېواد په ټاکنو کې لاسوهنې کړې دي.

په اوس مهالې دور کې سایبري بريدونه ډېر شوي دي

په سایبري بريدونه کې زياتره وخت هکران د نورو هېوادونو محرم موادو ته لاسرسی پيدا کوي او يا هم د يوه بل هېواد په مالي څانګو او بانکونو بريدونه کوي چې زيات شمير پيسو او نورو قيمتي مالومات پيدا کولو ته لارې چارې پيدا کوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *