هرانا خبري اژانس په څړنیز راپور کې موندلي چې ایران د سوریې جګړې ته افغان ماشومان ور استولي دي

ایران استخباراتي شبکې سپاه پاسدران د فاطمیون په نوم یوه ډله چې له افغانانو جوړه وه، په ایران او سوریه کې د خپلو ګټو په موخه جنګوله چې د وژل شوو جسدونه به یې افغانستان ته انتقالېدل.

تازه د هرانا اژانس زیاتوي، ایران کډوال په تېره بیا افغان ماشومان مجبور کړي دي، چې د مالي انعامونو او قانوني استوګنې په ژمنو سره په پوځ کې خدمت وکړی .

دغه تنکي ماشومان د بشرالاسد په ملاتړ جګړې ته استول شوي

د دغه راپور له مخې، ایران افغان ماشومان د فاطمیون لېوا د یوې برخې په توګه د بشار اسد په ملاتړ سوریې ته د جګړې لپاره استولي دي.

په ایران کې د بشري حقونو یوې ډلې پرون د کپ په ۲۲ مه د ایران له خوا په جګړه کې د ماشوم عسکرو د ګمارلو او کارولو په اړه یو جامع راپور خپور کړ.

دا راپور په وسله والو شخړو کې د ماشوم سرتيرو د ګمارلو لپاره د ايران د اوږدې مودې عمل، په ځانګړې توګه په فاطميون لېوا کې له افغان ماشومانو ناوړه ګټه پورته کول ارزولي دي.

نور ولولئ: طالبان، ایرانیانو ته؛ د افغانانو په څېر درته د پانګونې زمینه برابروو

نور ولولئ: رویټرز: ایران مسکو ته په سلګونو بالستیک توغندي ورکړي دي

نور ولولئ: طالبانو ایران ته له کمال خان بند اوبه ور پرې اېښې دي

د ایران د بشري حقونو ادارې (هرانا) لیکلي، چې دغه راپور له نړیوالو بشري قوانینو او د ماشومانو له حقونو څخه د سرغړونو لړۍ ده او د جګړې سیمو ته د ماشومانو په ګمارنه، روزنې او لېږلو کې د ایران د ښکېلتیا ژورتیا څرګندوي.

دغه راپور څه افشا کول غواړي؟

دغه راپور پر افغان مهاجرینو او ماشومانو په ځانګړي تمرکز سره، له ایران سره د تړلو نظامي او نیمه پوځي ځواکونو لخوا د زیان منونکو خلکو سیسټمیک استحصال افشا کول غواړي.

د دې ډلې موندنې مستند کوي او په ګوته کوي، چې ایران د ماشومانو د حقونو کنوانسیون په ګډون د ډیری نړیوالو قوانینو سرغړونه کوي، چې وايي، له ۱۵ کلونو څخه کم ماشومان باید استخدام یا په جګړو کې ونه کارول شي.

په راپور کې راغلي، چې د دې څېړنې یوه تر ټولو اندېښمنونکې موندنه د فاطمیون لېوا کې د ماشومانو د مرګ ژوبلې لوړه کچه ده.

هرانه زیاته کړه، چې ایران افغان ماشومان د فاطمیون په لېوا کې او د پاکستان ډله یې د زینبیون په لېوا کې استخداموي.

د یادونې وړ ده چې ایران هر وخت په منځني ختیځ کې د غرب د کمزوري کولو لپاره نیابتي ډلې رامنځته کړي او په خپله ګټه جنګولي دي.