بامیانو کې د سکي ښځينه لوبغاړې ډېرې شوې

ځړول شوی:فبروري 21, 2020 لخوا ځړول شوی:afghannow تبصرې:0

د نورو ولایاتو په پرتله په بامیانو کې د نجونو پر وړاندې دودیز خنډونه نور هم راکم شوي دي.

 دغه نجونې هیله منې دي چې د سولې د بریالیتوب په صورت کې د هېواد له نورو برخو هم نجونې وکولای شي چې په بامیانو کې له دوی سره یو ځای شي.

دوی په پوره لېوالتیا د غره سر ته خیږې څو هلته سکي لوبې وکړي.

بامیاني نجونې د دې لوبو په موخه خطر هم پر ځان مني.

مریم محمدي لدې پرته چې له دودیزو ستونزو سره مخ شي، سکي لوبې ته یې مخه کړې ده. وايي بامیانو کې د ښځینه سکي بازانو لپاره ښه زمینه برابره ده.

د هغو سکي بازو نجونو شمېر زیات شوی چې په بامیانو کې د جشنوارې یوه برخه جوړوي.

د سکي بله لوبغاړې صنم ده چې له کابله بامیانو ته راغلې ده.

صنم که څه هم سکي سره ډېره بلده نه ده ، خو هڅه کوي چې دغه لوبه زده کوي . د صنم تر څنګ نورې نجونې او یو شمېر کورني او بهرني سیلانیان هم دلته له سکي بازانو سره یو ځای شوي دي.

 له یوې لسیزې لږه موده کیږي چې بامیان د سکي او نورو ژمنیو لوبو کوربتوب کوي.

 دغې چارې ته د عایداتي اړخه هم کتل کیږي او مسوولین پدې باور دي چې دا چاره کولی شي سیلانیان بامیان ته لا وهڅوي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.