جاپان کې د افغانستان سفارت کار وځنډاوه او خپل ټول فعالیتونه یې په رسمي ډول تعلیق کړل. په دې مقاله کې د سفارت د سپارلو، د شیدا محمد ابدالي د څرګندونو او د مېشتو افغانانو د برخلیک په اړه بشپړ معلومات ولولئ.
په توکیو کې د افغانستان پخواني سفیر، شیدا محمد ابدالي اعلان وکړ چې د شنبې له ورځې (د سلواغې ۱۱مه/ د جنوري ۳۱مه) څخه جاپان کې د افغانستان سفارت کار وځنډاوه او خپل ټول فعالیتونه یې په رسمي ډول تعلیق کړل. دا پرېکړه د یوې ځانګړې خبرپاڼې له لارې په رسمي ډول اعلان شوې ده.
شیدا محمد ابدالي پر خپله فېسبوک پاڼه لیکلي چې د سفارت قونسلي، سیاسي، اقتصادي او کلتوري خدمات درول شوي او د سفارت ودانۍ په رسمي ډول د جاپان د بهرنیو چارو وزارت ته سپارل شوې ده.
جاپان کې د افغانستان سفارت کار وځنډاوه، د سفارت د اسنادو او ملکیتونو برخلیک
د ابدالي په وینا، د سفارت ټول اموال، اجناس او آرشیف تر رسمي مهر او لاک وروسته د یو سند په بدل کې د کوربه هېواد (جاپان) پلاوي ته سپارل شوي دي. نوموړي زیاته کړې چې د ۱۹۶۱ کال د “ویانا کنوانسیون” پر بنسټ، د جاپان حکومت د سفارت د ودانۍ د خوندیتوب، د اموالو او اسنادو د ساتنې مسوولیت پر غاړه اخیستی دی.
جاپان کې د افغانستان سفارت کار وځنډاوه خو سفیر ابدالي هیله څرګنده کړې چې په راتلونکي کې د یو مشروع حکومت په رامنځته کېدو سره، دا سفارت بېرته باصلاحیته استازو ته وسپارل شي ترڅو په جاپان کې مېشتو افغانانو ته خپل خدمتونه پیل کړي.
جاپان کې د افغانستان سفارت کار وځنډاوه، له سقوط وروسته د سفارت فعالیتونه
د کابل له سقوط وروسته، په جاپان کې د افغانستان سفارت د پخواني جمهوریت د ډیپلوماټانو له خوا اداره کېده. سره له دې چې سرچینې کمې وې، خو په تېرو څو کلونو کې یې هڅه وکړه چې د افغان کډوالو ستونزو ته رسېدنه وکړي. تر اوسه د طالبانو حکومت او د جاپان بهرنیو چارو وزارت د دې سفارت د فعالیتونو د ځنډېدو په اړه تازه غبرګون نه دی ښودلی.
د نورو هېوادونو وضعیت
دا په داسې حال کې ده چې یوازې جاپان نه، بلکې په استرالیا کې هم افغان سفارت اعلان کړی چې د روان میلادي کال د جون میاشتې تر ۳۰مې پورې به خپل فعالیتونه ودروي. بل خوا، جرمني ځینو هغو ډیپلوماټانو ته د کار اجازه ورکړې چې د طالبانو له خوا معرفي شوي، خو تر اوسه یې د هغوی حکومت په رسمیت نه دی پېژندلی.
روسیه یوازنی هېواد دی چې د طالبانو حکومت یې په رسمیت پېژندلی، خو جاپان لا هم په دې اړه محتاط دی. که څه هم جاپان د طالبانو حکومت په رسمیت نه پېژني، خو په کابل کې یې سفارت فعال دی او د بشري مرستو په برخه کې له افغانستان سره نږدې اړیکې پالي.
د سفارت د کار په درېدو سره، په جاپان کې مېشت افغانان د قونسلي خدماتو لکه د پاسپورټونو تمدید او نورو اسنادو په برخه کې له ناڅرګند برخلیک سره مخ شوي دي.
