د هېواد پخوانی ولسمشر حامد کرزی هم د زابلي ماشوم حیدر په مړینه سخت خواشینی دی او د هغه کورنۍ ته یې په دې دروند غم د خواخوږۍ مراتب وړاندې کړي.
د ویلو ده چې د زابل مرکز قلات تر څېرمه جلدک سیمه کې د تېرې سه شنبې په ورځ د حیدر په نوم یو پنځه کلن ماشوم څاه ته لوېدلی و، چې نن سهار یې په مړ حالات کې راوویست.
حامد کرزی د دغه ماشوم په مړینه لیکلي:((په زابل ولایت کې د یوه شپږ کلن ماشوم حیدرجان د مړینې خبر، چې په یوه څاه کې لوېدلی و او د ژغورنې له هڅو بیاهم ومړ، ډېر خواشینی کړم.))
نور یی ولوله | پیسته د موسمي ناروغیو ترڅنګ نورې ګټې هم لري
ښاغلي کرزي زیاته کړې:((زه د حیدرجان مور او پلار ته د خپلې ژورې خواخوږۍ او ډاډګیرنې مراتب وړاندې کوم او د لوی خدای له درباره ورته د فردوس جنت دعا کوم.))
زابلی ماشوم چې تېر ورځ له خبرو لوېدلی و، نن سهار له شاوخوا ۹۰ ساعتونو وروسته راوویستل شو، که څه هم په لومړیو کې د هغه د مرګ او ژوند په اړه معلومات نه کېده، خو وروسته وویل شوه چې له بده مرغه هلک ژوند له لاسه ورکړې.
