د هېواد پخواني ولسمشر، حامد کرزي په کابل کې د جاپان له سفیر، تاکایوشي کورومیا سره کتنه کې، افغانانو سره د جاپان له مرستو مننه کړې ده.
حامدکرزي ویلي، چې جاپان په ځانګړې توګه په روزنه او روغتیا برخه کې پراخې مرستې کړې دي او د دواړو هېوادونو اړیکې یې تاریخي او دوستانه بللې دي.
حامد کرزی: طالبان دې په نړیواله ټولنه کې د افغانستان د نوم ساتلو هڅه وکړي
په ورته مهال د کرزي له دفتره په خپره شوې خبرپاڼه کې افغانستان د ټولو ګډ کور یاد شوی او ټینګار شوی، چې ملي جوړجاړی د تلپاتي ثبات او سولې لپاره غوره لاره ده.
پر ملي روغې جوړې د پخواني ولسمشر ټینګار داسې مهال دی، چې طالبانو له تېرو څلورو کلونو راهیسې بین الافغاني خبرو ته لاره نه ده پرانیستې.
د افغانستان لپاره د ملګرو ملتونو د عمومي اسامبلۍ وروستي پرېکړه لیک هم له طالبانو وغوښتل چې، په افغانستان کې ټولګډونی حکومت جوړ او د بشري حقونو په رعایت سره کړې ژمنې پوره کړي.
