اړوند خبرونه:
د بشري حقونو یو بنسټ: منیژه صدیقي دې د طالبانو له بنده خوشي شي
د بشري حقونو څارونکي: د طالبانو له لوري ښځینه حقوقي فعالانې شکنجه کېږي
زلمی خلیلزاد وايي، راپورونه ترلاسه شوي چې طالبانو فاروق اعظم خوشې کړی دی
د افغانستان د سولې په چارو کې د امریکا پخواني ځانګړي استازي زلمي خلیلزاد په خپله ایکس پاڼه کې لیکلي؛ داسې راپورونه یې ترلاسه کړي، چې ډاکټر فاروق اعظم له بنده خوشې شوی دی.
زلمي خلیلزاد زیاته کړې: “که رښتیا وي دا مثبت خبر دی.
هغه ډاکټر اعظم یو وطنپال او افغانستان ته د خدمت وړ شخصیت بللی دی.
ډاکتر فاروق اعظم چې د طالبانو د اوبو او انرژۍ وزارت سلاکار دی، تېره میاشت پر ملا هبت الله د ظاهراً نیوکو له امله طالب استخباراتو نیولی دی.
د راپورونو له مخې هغه د طالبانو نظامي محکمې ته وړاندې شوی و.
طالبانو تر اوسه د فاروق اعظم د نیولو او یا بېرته له بنده د خوشې کېدو په تړاو څه نه دي ویلي.
دا په داسې حال کې ده چې څو میاشتې وړاندې د طالبانو د بهرنیو چارو وزارت سیاسي معین، عباس ستانکزی هم د ملا هبت الله له تګلارو سره د مخالفت له امله له هېواده ایستل شوی او تر ننه یې برخلیک معلوم نه دی.
