دامریکايي پوهنتون پخوانی برمته شوی استاد قطر ته ورسېد

ځړول شوی:فبروري 27, 2020 لخوا ځړول شوی:afghannow تبصرې:0

کابل کې دامریکايي پوهنتون پخوانی ښوونکی ټیموټی ویکس چې درې نیم کاله یې د طالبانو په بند کې تېر کړي د امریکا متحده ایالاتو او طالبانو تر منځ د سولې توافق په مراسمو کې ګډون کوي.

د طالبانو ویاند ذبیح الله مجاهد نن پنجشنبه په خپل ټویټر پاڼې کې ویلي چې ښاغلی ویکس دوحې ته رسېدلی دی. د اسټرالیا اصلي اوسېدونکی ۴۸ کلن ټیموټي ویکس او ۶۰ کلن امریکايي کیفن کینګ د ۲۰۱۶ زېږدیز کال د اګسټ په اومه کابل کې د طالبانو له خوا برمته شول

یادو کسانو کابل کې د امریکايي پوهنتون ښوونکي و چې د څه باندې درې نیم کاله بند وروسته را خوشې شول څلور میاشتې مخکې طالبانو دغه ښوونکي د خپلو هغو درې مهمو غړو هر یو انس حقاني، مالي خان، او عبدالرشید سره تبادله کړل چې د افغان حکومت په بند کې و

افغانستان سره د ټیموټي ویکس مینه اوس مهال ډېره شوې.

د ټویټر ځینې کاروونکي وايي چې د (افغانستان سوله) په نامه ټویټر پاڼه د ټیموټي ویکس پاڼه ده.

په دې پاڼې کې چې د ټیموټي عکس هم پرې شته تر ډېره د سولې پیغامونه خپریږي او د ټیموټي له قوله ویل شوي چې “طالبانو سره زما درې نیم کاله بند، دغه هېواد او افغانانو سره زما ژوند د تل لپاره ونښلوه.”

ټاکل شوې چې راروانه شنبه قطر کې د طالبانو او امریکا د سولې تړون لاسلیک شي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.