اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د اقتصادي چارو یو شمېر پوهان د افغانستان ستراتیژیک موقعیت ته په پام، له مرکزي آسیا هیوادونو سره د اړیکو پیاوړتیا د افغانستان لپاره ګټور بولي.
د ترکمنستان د بهرنیو چارو وزیر ویلي چې دا هیواد له افغانستان سره د ریلپټلۍ، سوداګرۍ، او ترانزیټ په برخو کې خپلې همکارۍ نورې هم زیاتوي.
رشید مردوف د طالبانو د بهرنیو چارو سرپرست وزیر له امیرخان متقي سره په کابل او عشقآباد کې د سیاسي، اقتصادي، او ډیپلوماټیکو اړیکو د پراخولو په هکله خبرې کړي دي.
د بهرنیو چارو وزارت د عامه اړیکو مسؤل ضیاء احمد تکل ویلي: “د ترکمنستان د بهرنیو چارو وزیر د ټاپي پروژې د پرمختګ ارزونه مثبته وبلله او ژمنه یې وکړه چې د ریلپټلۍ، سوداګرۍ، او ترانزیټ په برخو کې عملي همکاري پراخوي.”
له بلې خوا، د هرات والي چې ترکمنستان ته سفر کړی، د دغه هیواد د ماري ولایت له والي سره د انرژۍ، ټرانسپورټ او د مرمر ډبرو د صادراتو په برخه کې د همکاریو اهمیت په اړه خبرې کړي او د دې همکاریو د پیاوړتیا پر اړتیا یې ټینګار کړی دی.
یو شمېر اقتصادي پوهان د افغانستان د ستراتیژیک موقعیت له امله، له مرکزي آسیا هیوادونو سره د اړیکو پراخوالی د افغانستان لپاره مهم بولي.
ترکمنستان د مرکزي آسیا یو له مهمو هیوادونو دی چې له افغانستان سره سوداګریزې اړیکې لري او سربېره پر دې، د ټاپي د ګازو انتقال ستره پروژه له مرکزي آسیا، جنوبي آسیا سره نښلوي
تر اوسه، د دې پروژې کار په افغانستان کې له ۱۴ کیلومترو زیات پرمختګ کړی دی.
