د افغانستان د ناامنه کولو هڅې؛ په کندهار او پکتیا کې له پاکستانه قاچاق کېدونکې وسلې او مهمات ونیول شول
د افغانستان د ناامنه کولو هڅې؛ امنیتي ځواکونو په کندهار او پکتیا ولایتونو کې د وسلو او مهماتو د قاچاق دوه جلا هڅې شنډې کړې دي. چارواکي وایي، په دغو عملیاتو کې لسګونه میله وسلې، زرګونه مرمۍ او نور پوځي تجهیزات له څلورو شکمنو کسانو سره یوځای ضبط شوي دي. دا پېښې داسې مهال رامنځته کېږي چې د افغانستان او پاکستان ترمنځ د سرحدي امنیت او د وسلو د ناقانونه لېږد په اړه اندېښنې لا هم پر خپل ځای دي.
په سپین بولدک او ډنډ پټان کې د وسلو د قاچاق هڅې شنډې شوې
د ۲۰۵ البدر قول اردو په خبرپاڼه کې راغلي چې امنیتي ځواکونو د کندهار ولایت د سپین بولدک ولسوالۍ د سکاڼ په سیمه کې له پاکستانه افغانستان ته راقاچاق کېدونکې ۱۷۰۵ د ثقیل مرمۍ، ۱۲۰۵ د کلاشنکوف مرمۍ او شپږ د کلاشنکوف شاجورونه له دوو شکمنو کسانو سره یوځای نیولي دي. د افغانستان د ناامنه کولو هڅې
په ورته وخت کې، د پکتیا امنیه قومندانۍ ویلي چې امنیتي ځواکونو د ډنډ پټان ولسوالۍ له لارې غزني ولایت ته د لېږد پر مهال ۳۰ تمانچې او ۱۳ کلاشنکوفونه ضبط کړي دي. د یادې قومندانۍ په وینا، د دې وسلو په تړاو هم دوه کسان نیول شوي او د قضیې د څرنګوالي په اړه ترې پلټنې روانې دي. د افغانستان د ناامنه کولو هڅې
چارواکي وایي، نیول شوې وسلې او مهمات د قانوني اسنادو پرته لېږدول کېدل او د امنیتي ځواکونو د استخباراتي معلوماتو پر بنسټ کشف او ضبط شول.
د افغانستان او پاکستان امنیتي اختلافونه او د افغانستان د ناامنه کولو هڅې
د وسلو د قاچاق وروستۍ پېښې په داسې وخت کې رامنځته کېږي چې د افغانستان او پاکستان ترمنځ د سرحدي امنیت، د ډیورنډ کرښې په اوږدو کې د نښتو او د وسلهوالو ډلو د فعالیتونو په تړاو اختلافونه لا هم دوام لري. کابل په وار وار ویلي چې د افغانستان خاوره به د هېڅ هېواد پر ضد ونه کارول شي، خو له پاکستانه یې غوښتي چې د پولې له هغې غاړې د وسلو، مهماتو او وسلهوالو د ناقانونه تګ راتګ د مخنیوي لپاره اغېزمن اقدامات وکړي. د افغانستان د ناامنه کولو هڅې
له بلې خوا، پاکستان هم وخت ناوخت ادعا کړې چې ځینې امنیتي ګواښونه له افغان خاورې سرچینه اخلي، هغه ادعا چې د افغانستان سرپرست حکومت رد کړې او ټینګار یې کړی چې د دواړو هېوادونو امنیتي ستونزې باید د خبرو او ګډې همغږۍ له لارې حل شي.
د امنیتي چارو یو شمېر شنونکي په دې باور دي چې د سرحدي سیمو له لارې د وسلو د قاچاق مخنیوی د امنیت د ټینګښت لپاره مهم ګام دی. د دوی په وینا، د دا ډول شبکو پر ضد دوامدار عملیات کولی شي د افغانستان د ناامنه کولو هڅې کمزورې کړي او د ناقانونه وسلو د خپرېدو مخه ونیسي.
تر اوسه پاکستان د کندهار او پکتیا د دغو وروستیو پېښو او د نیول شویو وسلو په اړه کوم رسمي غبرګون نه دی ښودلی.
